Важен аспект од личноста на детето е поврзан со една работа штоо се нарекува темперамент. Како што пренесува The Successful Parent, темпераментот се однесува на нечија предиспозиција да дејствува и да реагира на одредени начини врз основа на карактеристиките на личноста кои се присутни при раѓањето. Така експертите дошле до два поими – интровертност и екстровертност.
Но, честопати не е толку лесно за многу родители да препознаат дали нивното дете е интроверт или екстроверт.
Доколку детето е многу разиграно, дружељубиво и отворено во комуникацијата со другите луѓе, без разлика дали се работи за негови врсници или не, голема е веројатноста дека детето би можело да биде екстроверт. Еве кои знаци кои укажуваат на тоа.
Како што објаснуваат психолозите, екстровертното дете обично е полно со енергија и ужива да прави работи со своите родители. Тоа, исто така, ужива во интерактивни игри, а често го презема водството меѓу своите врсници. На овој начин детето не ужива да си игра само, а што се однесува до стилот на учење најдобро учи преку интеракција и разговор со другите.
Освен тоа, најлесниот начин да препознаете екстровертно дете е тоа што едноставно сака да го поминува времето во голема група луѓе, за разлика од интроверт кој секогаш претпочита да се дружи со тесен круг на пријатели или познаници.
