Нарцисоидното нарушување на личноста или нарцизам е психолошко нарушување кое се карактеризира со чувство на изразено самообожување, силна потреба за внимание и восхит, но и површност во односите, како и недостаток на емпатија.
Чувството на самопочит зависи од другите
Нарцисоидните луѓе се чувствуваат подобри од другите и сметаат дека заслужуваат посебен третман. Тие често фантазираат за голем успех и моќ. Сакаат да бидат во центарот на вниманието и да доминираат во разговорите. Сепак, лесно е да ги разнишате бидејќи нивното чувство за вредност е прилично површно, објаснува д-р Џон П. Куња.
Односите што ги имаат со другите луѓе се главно површни и експлоататорски. Поважна им е надворешноста од вистинските вредности и гледаат како да извлечат корист од односот во кој вложуваат. Помалку се врзуваат за луѓето, избегнуваат интимност, а врските служат за подобрување на нивната слика за себе. Нарцисоидните личности постојано се прашуваат што мислат другите за нив и нивното чувство за сопствената вредност зависи од тоа.
Кога не добиваат доволно внимание, се чувствуваат празно, здодевно и често реагираат со агресија, а понекогаш и со депресивно однесување.
ЗАГРИЖУВАЧКИ ЗНАЦИ
Важно е да знаете дека нарцисоидните фази во развојот на детето се нормални, често и пожелни бидејќи влијаат на развојот на стабилна психа. Ова е една од причините зошто експертите не го дијагностицираат ова нарушување кај децата толку лесно.
Некои од овие знаци детето може да ги има во одредени фази на растење и може да бидат знак за некое друго нарушување или потиснати емоции, но треба да обрнете внимание на нив.
- Детето верува дека е подобар од другите деца
- Има потешкотии да создава и одржува пријателства
- Смета дека е негово право да биде во центарот на вниманието
- Не сака да остане со оние кои не му посветуваат внимание и восхит
- Не покажува благодарност
- Ги исклучува децата од игра ако се со понизок имотен статус или ако не можат да извршат задача на негово ниво
- Не прифаќа одговорност за своите постапки и последици
- На критиките реагира со агресија или тантруми
- Одбива да направи што му е кажано
- Одбива да го почитува авторитети
- Одбива да го погледне соговорникот во очи
- Покажува знаци на патолошки игри
- Покажува знаци на сепарациска анксиозност
- Има превисоки и неразумни очекувања од другите
- Им завидува на другите, ако верува дека тие се подобри во нешто
- Ќе украде туѓа играчка и лесно ќе влезе во расправии или тепачки со други деца
