Врсничкото насилство е една од горките теми и проблеми со кои се соочуваат сè поголем број деца. Во својата работа, експертите често се среќаваат со поединци кои се малтретирани на училиште, отфрлени од нивните врсници, задевани поради нивните разлики, па дури и жртви на физичко насилство.
Поради ова, децата често имаат последици кои се јасно видливи и во зрелоста. Тие се чувствуваат отфрлено, исплашено, засрамено, луто и често имаат проблеми со стекнување пријатели. Сепак, експертите наведуваат дека некои деца имаат одредени карактеристики кои ги прават посклони еден ден да бидат жртва на врсничко насилство, а еве како го објаснуваат тоа.
Семејните односи исто така придонесуваат за тоа дали детето ќе стане жртва, додаваат експертите. Семејството кое се грижи, дава неограничена поддршка и има добра комуникација со детето е всушност заштитен фактор. Помалку е веројатно дека децата на таквите родители ќе бидат жртви на врсничко насилство
Зошто доаѓа до насилство?
Како што пишува „Very Well Family“, постојат голем број знаци кои покажуваат дека вашето дете еден ден би можело да биде потенцијална жртва на врсничко насилство. Тие вклучуваат често чувство на беспомошност, негативно размислување, навика да се обвинуваат другите за сопствените грешки и недостаток на самодоверба. Сето тоа се особини кои, велат експертите, ги имаат децата кои се жртви на насилство во најголем број случаи.
„Менталитетот на жртвата се однесува на начинот на кој поединецот го перцепира својот однос со светот и околностите што му се случуваат во животот. Децата со овие предиспозиции навистина веруваат дека тие се постојано жртви, дека сите се против нив и затоа немаат контрола врз работи што им се случуваат“, предупредува терапевтот Џулија М. Чембрлен.
Семејните односи се исклучително важни
Поддршката од врсниците, но подеднакво и недостатокот на истата, исто така може да биде и еден од главните фактори дали вашето дете еден ден ќе стане жртва на врсничко насилство. Експертите веруваат дека ако детето има добри пријатели, помала е веројатноста дека ќе биде малтретирано. Се разбира, важно е тие да се пријатели од доверба – дека ќе бидат тука за нивниот пријател и дека нема да се повлечат ако се појави насилник.
Експертите веруваат дека ако детето има добри пријатели, помала е веројатноста дека ќе биде малтретирано. Се разбира, важно е тие да се пријатели од доверба – дека ќе бидат тука за нивниот пријател и дека нема да се повлечат ако се појави насилник
Семејните односи исто така придонесуваат за тоа дали детето ќе стане жртва, додаваат експертите. Семејството кое се грижи, дава неограничена поддршка и има добра комуникација со детето е всушност заштитен фактор. Помалку е веројатно дека децата на таквите родители ќе бидат жртви на врсничко насилство.
Сепак, фелата предупредува дека во некои случаи вклученоста на родителите може да отиде предалеку. Она што го нарекуваме претерано заштитничко родителство може да биде, како што се покажа, и еден од факторите на ризик. Презаштитените деца често немаат доволно можности да стекнат вештини што ќе им овозможат адекватно да се снаоѓаат во друштво на врсници.
