Можеби звучи како уште една од смешните “бабини приказни“, и истото го мислеле и лекарите, додека не ја тестирале оваа појава. Научници од Универзитетот Џон Хопкинс спровеле истражување за да дознаат дали количината на коса кај бебето во стомакот и жиговината се поврзани на било каков начин.
Се покажало дека има поврзаност. Во истражувањето учествувале 64 бремени жени, од кои 78% имале честа жиговина во бременоста. Тие ја оцениле сериозноста на својата жиговина, а истражувачите ги следеле резултатите. Откако жените се породиле, истражувачите ги следеле фотографиите на главите на нивните бебиња, и користеле скала како би го оцениле волуменот на косата кај новороденчињата.
Се покажало дека од 28 жени кои имале умерена до тешка жиговина, 23 од нив родиле бебиња со просечна или надпросечна количина на коса. Од друга страна, 10 од 12 жени кои немале жиговина, родиле деца со малку или без коса.
Иако потврдиле дека има поврзаност, истражувачите велат дека количината на коса не мора нужно да има причинско последичен ефект.
