Бебето и во стомакот има развиено сетило за вкус, а најмногу му се допаѓа слаткиот вкус. Експертите сметаат дека сетилото за вкус се појавува околу 14. недела од бременоста. Истражувањата покажуваат дека фетусот почесто голта слатко, а бројот на голтања ќе се намали при горчлив и кисел вкус.
Сетилото за вкус се развива многу рано и е под влијание на храната што ја консумира мајката за време на бременоста
Новороденчето има силно развиено чувство за вкус и веднаш јасно покажува кои вкусови ги претпочита.
Бебето ги чувствува вкусовите на храната во стомакот
За време на бременоста често се појавува неопислива желба за одредена храна. Дали ова значи дека бебето ќе сака солено ако мама е луда по помфрит за време на бременоста? Хранливите материи од храната стигнуваат до фетусот преку плодовата вода, кое околу 20. недела почнува да чувствува вкусови, но и мириси како чад од цигари.
Едно истражување покажало дека бебињата на мајките кои јаделе моркови за време на бременоста повеќе сакаат моркови отколку бебињата чии мајки не јаделе многу зеленчук.
Зошто е добро да се јаде чоколадо за време на бременоста?
Само малку чоколадо секој ден за време на бременоста придонесува за здравјето на системот на крвните садови на фетусот, тврди новото истражување. А парче чоколадо на ден може да го намали ризикот од прееклампсија, потенцијално смртоносна состојба во која трудниците со нормален крвен притисок наеднаш развиваат опасно висок крвен притисок.
