Веќе неколку пати сме пишувале за годишното време, календарскиот месец, па дури и денот во годината кога е најдобро време да се работи на бебе, односно кога се зачнуваат најмногу деца, а според статистиката најмногу децата се раѓаат во рана есен, поточно во септември.
Но, дали некогаш сте се запрашале во кои денови од годината се раѓаат најмногу деца? „Њујорк тајмс“ уште во 2006 година објави дека во периодот од 1973 до 1999 година, кој го проучувале истражувачи од Харвард, било откриено дека најчестиот датум на раѓање во САД е 16 септември. Но, неодамна Мет Стајлс од Дејли Виз направил компилација од раѓања од 1994 до 2014 година, а според тие податоци најчест датум е 9 септември.
Иако Тајм неодамна објави дека најпопуларниот роденден е 9 септември, историски 16 септември е многу блиску, и тоа не само во САД, бидејќи и во светот најмногу бебиња се раѓаат токму во септември. Најпопуларниот датум се менувал во текот на децениите, но заклучокот е дека септември е дефинитивно најпопуларниот период од годината за породување, а најновите податоци покажуваат дека 9 од 10 дена до породување паѓаат помеѓу 9 и 20 септември. Бидејќи бременоста во просек трае околу 38 недели, тоа значи дека повеќето бебиња се зачнати во декември околу празниците.
Според последните податоци, во Велика Британија најмногу бебиња се раѓаат на 26 септември, што е 38 недели по 2 јануари. Така, во Велика Британија 2 јануари се нарекува Национален ден на зачнувањето.
Зимските месеци помалку популарни
Тајм ги објави и најмалку популарните родендени. Според статистичките податоци, најмалку деца се раѓаат во зимските месеци; декември, јануари и февруари. А 25 декември, 1 јануари и секако 29 февруари се најмалку популарни датуми.
Ова може да значи и дека многу родители го планираат раѓањето на своите деца или лекарите се на одмор, така што закажаните породувања (како што е планиран царски рез или индукција) се закажуваат за денови кои не се празници.
