Веќе неколкупати сме пишувале за годишното време, календарскиот месец, па дури и за денот во годината кога е најдобро време за планирање на принова, односно кога се зачнати најмногу деца, а според статистиките, најмногу деца се раѓаат во рана есен, поточно во септември.
Но, дали некогаш сте се запрашале кои се тие денови во годината кога се раѓаат најмногу деца? Њујорк тајмс уште во 2006 година објави дека во периодот од 1973. и 1999., што го проучувале истражувачи од Харвард, откриено е дека најчест датум за раѓање во САД бил 16. септември. Но, неодамна направена е компилација на раѓањата од 1994. до 2014. и според нив, најчестиот датум е 9. септември.
Иако Тајм неодамна објави дека најпопуларен роденден е 9 септември, историски гледано 16 септември е многу блиску и тоа не само во САД, бидејќи и во светотнајмногу бебиња се раѓаат токму во септември. Најпопуларниот датум се менувал низ децениите, но заклучокот е дека септември дефинитивно е најпопуларниор период во годината за раѓање, а новите податоци укажуваат дека 9 од 10 породувања се паѓаат помеѓу 9 и 20 септември. Со оглед дека бременоста просечно трае околу 38 недели, тоа значи дека повеќето бебеиња се зачнати во декември, околу празниците.
Според последните податоци, во Велика Британија најмногу деца се раѓаат на 26. септември, што е 38 недели по 2. јануари. Така во Велика Британија, 2. јануари е наречен Национален ден на зачнувањето.
Зимските месеци се најмалку популарни
Тајм објави и најмалку популарни родендени. Според статистичките податоци, најмалку деца се раѓаат во зимските месеци; декември, јануари и февруари. А 25. декември, 1.јануари и се разбира, 29. февруари се најмалку популарните датуми.
Ова може да значи и дека многу родители го планираат раѓањето на децата, или лекарите се на одмор, па закажаните породувања (како што е планираниот царски рез или индукција) се закажуваат за други денови, кои не се празници.
