Делта варијантата неконтролирано се шири меѓу невакцинираните лица! Податоците покажуваат дека високо заразната делта варијанта, која предизвика загриженост ширум светот, бидејќи доведува до нови бранови на Ковид-19, се шири кај недоволно вакцинираното население.
„Делта варијантата е единствена во тоа колку брзо се шири“, вели Ф. Пери Вилсон, епидемиолог од Медицинскиот факултет на Универзитетот Јеил. „Делта сојот сигурно ќе ја забрза пандемијата ширум светот“
Фирмата за геномика „Хеликс“ анализирала околу 20 000 примероци од тестовите за Ковид-19 низ повеќе од 700 окрузи на САД. Откриено е дека случаите на варијантата, за првпат документирана во Индија, се чини дека растат многу побрзо во местата со пониски стапки на вакцинација отколку во областите кои имаат повисоки стапки.
Делта варијантата ја зацврстува поделбата помеѓу луѓето кои се целосно вакцинирани против Ковид-19 и оние кои не се, што ги тера болниците да се подготват за зголемен број на нови случаи, а здравствените власти да ги удвојат напорите за вакцинација, пишува WSJ
Тековното ширење на делта варијантата во местата со ниска стапка на вакцинација на населението е вознемирувачко бидејќи тие создаваат повеќе можности за развивање и мутација на вирусот. Колку подолго се шири вирусот, толку повеќе шанси има да создаде полесно влегување во човечките клетки и потенцијално да добие посмртоносни форми.
„Делта сојот ги предводи брановите на Ковид-19 низ целиот свет и се сомневам дека и тука ќе биде исто“, рече Вилијам Ли, потпретседател во „Хеликс“. Делта се шири повеќе од двојно побрзо од гама, варијанта за прв пат видена во Бразил, во недоволно вакцинираните заедници.
Делта варијантата ја зацврстува поделбата помеѓу луѓето кои се целосно вакцинирани против Ковид-19 и оние кои не се, што ги тера болниците да се подготват за зголемен број на нови случаи, а здравствените власти да ги удвојат напорите за вакцинација. Сега најчестиот сој во САД, делта сојот, се шири додека истовремено се враќа јавниот живот во рестораните, спортските настани и други јавни средини низ целата земја, пишува WSJ.
Специјалистот за заразни болести од Медицинскиот факултет на Универзитетот Јеил, Инци Јилдирим, не е изненадена од развојот на ситуацијата, пишува порталот „ScienceAlert“.
„Сите вируси еволуираат со текот на времето и се менуваат ширејќи се и реплицирајќи“, рече таа. Но, делта варијантата е единствена во тоа колку брзо се шири, вели Ф. Пери Вилсон, епидемиолог од Медицинскиот факултет на Универзитетот Јеил. „Делта сојот сигурно ќе ја забрза пандемијата ширум светот“, рече тој.
Министерството за здравство апелира до граѓаните за што помасовна вакцинација, како и придржување кон основните препораки за заштита од Ковид–19. Оттаму додаваат дека сите вакцини со кои располагаат се безбедни и ефикасни и се единствениот начин за заштита од Ковид–19
Министерство за здравство: Ниту еден од пациентите со делта сој во земјава не е вакциниран
Ниту еден од Ковид позитивните пациенти во земјава кај кои е изолиран делта сојот на SARS-CoV-2 не е вакциниран против Ковид-19. „По направените анкети со пациентите утврдено е дека никој од нив не примил ниту една доза вакцина, односно ниту се вакцинирани, ниту ревакцинирани. Од вкупниот број позитивни пациенти, кај кои е утврдено присуство на делта сој, само еден е во многу тешка состојба. Станува збор за пациент, кој 8-9 дена откако појавил симптоми на Ковид-19, одбивал да оди на лекар и бил во домашна изолација. Во моментов се вршат епидемиолошки анкети на останати членови од семејството на двајца од хоспитализираните пациенти, кои живееле во заедница и возможно е да се утврди и кај нив присуство на индиски сој на вирусот“, информираат од МЗ.
Министерството за здравство апелира до граѓаните за што помасовна вакцинација, како и придржување кон основните препораки за заштита од Ковид-19. Оттаму додаваат дека сите вакцини со кои располагаат се безбедни и ефикасни и се единствениот начин за заштита од Ковид-19.
„Досегашните анализи и официјални информации на СЗО која ја одобри оваа вакцина (н.з. Синовак), покажуваат дека истата е ефикасна 51% при заштита на асимптоматските случаи и штити 100 % од развој на тешка форма на болеста. Согласно најновите две студии на СЗО спроведени во Бразил за ефикасноста на вакцината од новите соеви кои се во моментот во циркулација, потврдено е дека истата штити 50 % во првата студија и 83 % во втората студија. Како што ќе има нови официјални студии и податоци за ефикасноста на вакцините, Министерството за здравство ќе ја информира јавноста“, се вели во соопштението од МЗ, од каде што апелираат на максимална одговорност од сите поединци и медиуми во однос на вакцинацијата и споделување исклучително на ставови кои се поткрепени со научни докази и потврдени студии.
