Бременоста, спротивно на очекувањата, многу ретко е блажена состојба во вистинска смисла на зборот. Збунетост, страв и стрес се почести, особено ако станува збор за прва бременост.
Според, американските гинеколози честотата на депресија во бременоста е присутна кај дури 14 – 23% од жените. Токму дивеењето на хормоните често се смета за главна причина зошто бремената жена се чувствува лошо, па до дијагностицирање на депресија воопшто и не доаѓа. Токму хормоналните промени може да влвијаат во процесите во мозокот, и дополнително да ја влошат депресијата и анксиозноста.
Доколку следниве симптоми ги забележите зачестено во траење од неколку недели, време е да се посоветувате со лекар:
- Тага без посебна причина
- Недостаток на сон (поврзан со нервоза, а не со мачнини, болки во грбот)
- Црни мисли
- Анксиозност
- Неможност за концентрација
- Промена на навиките
- Неуживање во омилените активности
- Кои се најчести тригери за депресија во бременоста
- Историја на депресија во семејството
- Сериозни компликации во бременоста
- Стресни случувања (губење на блиска личност, промени во животното опкружување)
- Проблеми во односот со блиски луѓе
- Злоставување
- Претходен спонтан абортус
Колку депресијата во бременоста е опасна, особено онаа која не се лекува, говори фактот дека трудните жени кои не добиваат потребно лекување и заштита, може да го намалат квалитетот на живеење што директно влијае на растот и развојот на детето во стомакот, еднакво како стресот и депресивната состојба. Сето ова може да доведе до предвремено породување, ниска родилна тежина на бебето, како и многу други тешкотии во неговиот развој.
