Децата често доживуваат силни емоции, а вистинските зборови можат да направат голема разлика и да им помогнат да се смират. Однесувањето на родителите во овие ситуации многу влијае на тоа дали децата ќе се смират или уште повеќе ќе се вознемират, а експертите за родителство се согласуваат дека користењето одредени фрази може да направи позитивна разлика.
Експертите истакнуваат девет такви фрази кои ќе ви помогнат како родители да му помогнете на вашето дете и да покажете дека сте тука за него, но и да имаат долгорочно влијание на подобар однос и поврзаност помеѓу родителот и детето.
„Тука сум за тебе“: Оваа реченица на детето му дава сигурност и чувство на поддршка и љубов, намалувајќи ја анксиозноста и ја зајакнува емоционалната стабилност во стресни ситуации.
„Диши длабоко со мене“: Користењето на оваа фраза му дава на детето сигурност и чувство на поддршка и љубов, намалувајќи ја анксиозноста и зајакнување на емоционалната стабилност во стресни ситуации.
„Разбирам како се чувствуваш“: Признавањето на нивните чувства му покажува на вашето дете дека ги слушате и разбирате, што може да ја намали фрустрацијата и да спречи емоционални испади.
„Во ред е да се чувствуваш така“: Учењето на децата дека емоциите се нормални го спречува чувството на срам или преоптоварување, овозможувајќи им да ги изразуваат послободно.
„Да најдеме решение заедно“: Со поттикнување на решавање проблеми, го префрлате фокусот од фрустрација на акција, а со тоа развивате издржливост и конструктивно справување со предизвиците.
„Безбеден/а си“: Оваа фраза помага да се намали стравот или анксиозноста, особено во време на стрес и неизвесност.
„Верувам во тебе“: Користењето на оваа фраза во комуникацијата, особено во чувствителните ситуации, ја зголемува самодовербата кај децата, охрабрувајќи ги да се соочат со предизвиците со позитивен став.
„Ајде да направиме пауза и да се обидеме повторно“: Давањето тајм-аут на детето му помага да се ресетира, спречува фрустрацијата да ескалира и го учи на трпение.
„Те сакам без разлика на се“: Безусловната љубов му обезбедува на детето емоционална сигурност, потврдувајќи дека нивните чувства и грешки не можат да ја променат вашата љубов кон него.
