Децата често знаат да се жалат на замор. Најчесто се тоа оние очогледни причини – денот им бил исполнет и напорен или предолго останале будни и не се наспале. Понекогаш заморот е и изговор да направат нешто што од нив се очекува. Но, кога заморот станува нешто што е пречесто и секојдневно во нивните животи, и почнува да им попречува во извршувањето на секојдневните обврски или работите кои ги сакаат, тоа е знак за аларм.
Ова се некои од најчестите причини за хроничен замор кај децата:
Проблеми со спиењето
Едноставен е заклучокот дека ако детето не спие доволно, кога тогаш ќе се јави премореност. Причина може да биде преоптоварениот распоред, доцното легнување во кревет, често будење во текот на ноќта или пореметување на сонот – апнеа. Причините за апнеа најчесто се поврзани со зголемени крајници.
Инфекции
Замор може да предизвикаат и некои инфекции, како Епштајн-Баровиот вирус, познат како вирус на слабост. За него, како ни за многу други инфекции не постои лек, туку симптомите може да се ублажат со правилна исхрана. Некои вируси може да создаваат проблеми со недели, па дури и со месеци.
Хронични болести
Ако хроничните болести не се контролираат, ниту се третираат, може да предизвикаат замор кај детето. Децата кои страдаат од астма, кои не се лекуваат може да почувствуваат краткотрајност на здивот, поради што се чусвтвуваат уморно. Кај многу хронични болести, заморот е прв знак дека нешто не е во ред.
Анемија
Црвените крвни зрнца пренесуваат кислород до сите клетки во телото. Кога нивниот број се намалува, се појавува замор. Може да ја проверите крвната слика на детето.
Депресија, анксиозност и други психички проблеми
Кога на децата животот ќе им се пристори тежок, неправеден, кога се соочуваат со некои проблеми или незадоволство, нивното тело може да реагира за замор. Психичките проблеми, според истражувањата, се најчестата причина за детскиот замор, во однос на се останато на овој список.
