Веќе во најраните години децата поминуваат низ различни фази во растењето, што подразбира дека во некои фази се, како што тоа сакаат да го кажат родителите, „невозможни“. Задачата на мама и тато е, меѓу другото, постојано да го учат детето како да се однесува и да ги коригира лошите работи во своето однесување, било со пример или со укажување на одредени работи.
Ќе има ситуации кога детето ќе стане хистерично, ќе се фрла на под, ќе вришти, ќе се кара со вас и слично, низ ова во одреден момент поминуваат сите деца и сите родители. Меѓутоа, постојат некои однесувања кои никогаш не треба да ги толерирате, за добро на вашето дете, но и заради вас и луѓето околу вас.
Овие шест видови на однесување никако не смеете да ги толерирате:
- Детето зема работи кои не се негови
- Детето гсе потсмева на други кои се различни во која било смисла
- Малтретира други без причина
- Исклучува другите (од друштвото)
- Удира, крши и фрла работи кога е луто, покажува недостаток на почит кон родителите или кој било авторитет
- Однесување поврзано со физички изглед.
Првото нешто што треба да го имате на ум е дека не е добро еднаш да го казните детето за некое однесување, а вториот пат да го „пуштите“. Бидете доследни во објаснувањето и/или казнувањето на некое однесување за детето да сфати дека тоа не е добро во ниту една ситуација.
