Многу родители се среќаваат со ситуации во кои детето им зборува за измислено другарче. Стручњаците препорачуваат да не се грижат доколку тоа се случи, бидејќи тоа спаѓа во процесот на учење низ кој секое дете поминува.
Во периодот од 3. до 5. година, 65% од децата имаат свој пријател од фантазиите. Детето во тој период почнува да формира идентитет и ги тестира и ги сфаќа границите помеѓу фантазијата и реалноста. Иако постои правило дека децата ќе го надраснат својот измислен пријател кога ќе тргнат на училиште, некои деца и понатаму продолжуваат да се “дружат“ со него и по седмата година.
Стручњаците тврдат дека ова му помага на детето да се испроба во неколку различни улоги во важниот период од социјалниот развој, му помага на детето да почувствува контрола, дисциплина и моќ без нервоза која се создава при контакт со реални личности, и се труди да сфати важни работи од светот што го опкружува.
