Дете на возраст од пет години починало во болница во Њујорк од последици на симптоми кои наликуваат на новиот коронавирус, а кои би можеле да бидат показател на нов исклучително редок синдром на болеста КОВИД-19 кој ги погаѓа малите деца.
Ако се потврдат анализите дека станува збор за синдром поврзан со коронавирусот, ќе биде тоа прв таков смртен случај во САД. Како што известува Њујорк Тајмс, болеста предизвикува тешки и по живот опасни воспаленија на органите и крвните садови.
Болницата во која се лекувало детето, засега не објавила многу детали за случајот.
“Загрижувачки е што во овој случај во прашање е дете. Мора да го нагласиме она кое досега го знаеме, а тоа е дека се работи за многу редок случај“, изјавила портпаролката на болницата Луциа Ли.
Претходно во текот на оваа недела обхавено е дека 73 деца во земјата се хоспитализирани поради новиот синдром. Јавноздравствените власти објавија дека повеќето деца имаар повеќеоргански инфекции, и дека серолошките и дијагностичките PCR тестови покажале дека се позитивни на коронавирус.
Болеста, колку што е досега познато, најпрво го погаѓа срцето и крвните садови на заразените деца. Децата запаѓаат во состојба на токсичен шок, а срцето не испраќа доволно крв во виталните органи.
Новиот симптом некои лекари ги потсетува на Кавасаки синдромот, состојба во која кај децата се јавува нагло воспаление на срцето и предизвикува коронарни блокади.
Според стручњаците, оваа смрт би можела да укажува на потенцијалните ризици за децата во пандемијата.
“Иако ретко, гледаме некои случаи каде децата погодени од коронавирусот може да се разболат со симптоми слични на Кавасаки синдромот или синдром на токсичен шок кој буквално предизвикува воспаление на нивните крвни садови“, велат лекарите.
Случаи на ретка, по живот опасна воспалителна болест кај децата, а поврзани со заразата со коронавирусот, прв пат се пријавени во Велика Британија, како и во Италија и во Шпанија, но сега и лекарите во САД почнуваат да реферираат за вакви случаи.
