Доколку на детето постојано му се случува да од една болест влегува во друга, а тоа значи дека е болно почесто од два пати во месецот, можеби на кратко треба да се издвои од колективот и родителите потоа да се обидат повторно, препорачуваат педијатрите. Но, ако тоа повторно се појавува, можеби треба да се посоветуваат со лекар, дали во основа постои некој друг проблем.
Тоа може да биде анемија, кога детето е посклоно кон инфекции, некои алергиски предиспозиции поради кои може детето често да е болно или постои зголемен трет крајник, па така детето и при најмала настинка е склоно кон воспаление на уво. Постојат и случаеви кога детето има намалени вредности на имуноглоболини, како и имуноглобулин А. Најчесто станува збор за блага имунодефициенција кога детето на таа возраст е посклоно на респираторни и цревни вирусни инфекции.
Може ли пред поаѓање во градинка, да се поработи на имунитетот на детето?
Нема магични додатоци кои би го зајакнале имунитетот на децата, важно е исхраната да биде здрава и балансирана, да содржи многу свеж зеленчук и овошје. На децата кои одбиваат храна, може да им даваат одредени сумплементи, по препорака на педијатар. Истовремено, важна е и редовната физичка активност, престојот на свеж воздух, за да се зајакне имунитетот на детето. Ретко кај децата кои јадат здрава и балансирана исхрана може да се каже дека имаат анемија во својата основа, која би можела да биде предиспонирачки фактор кој таквото дете го прави посклоно кон инфекции.
