Еден аспект на воспитувањето на отпорни деца е да ги научиме како да се справат со сопствените емоции за време на непријатни или стресни ситуации. Секој родител барем еднаш ќе се сретне со непријатен излив на бес на детето, а психологот Ализа Пресман тврди дека на ваквите ситуации треба да се гледа како на можност за корегулација со детето.
„Споделете чувство на смиреност со вашето дете. Така полека го учите како само да ги регулира своите емоции“, вели таа и споделува седум чекори за корегулација што можете да ги следите во ситуации кога вашето дете е вознемирено.
Дишете
Длабоко вдишете низ носот и издишете.
Признајте
Запрашајте се што ви носи овој момент. Дали мислите дека поради детскиот излив на беш лошо ќе изгледате пред другите или дека ќе ве осудувааат? Застанете и обидете се да го идентификувате коренот на вашата фрустрација.
Опуштете се
Можеби размислувате за тоа како оваа ситуација ќе влијае на иднината или се обидувате да се сетите како сте се справиле со слични ситуации во минатото. Клучно е е да престанете да размислувате за минатото или иднината, да се опуштите и да се препуштите на сегашноста.
Проценете
Потоа проценете ја вашата состојба и состојбата на умот на вашето дете. Дали е мирно, љубопитно или избезумено?
Воочете
„Набљудувајте што се случува во вашето тело и што се случува во телото на вашето дете. Проверете го дишењето и отчукувањата на срцето. Исто така, обрнете внимание на говорот на телото на вашето дете“, вели Пресман.
Поврзете се
Дозволете му на вашето дете да знае, вербално или со вашето тело, дека го гледате и дека се грижите за неговите чувства. Признавањето на чувствата може да го смири неговиот нервен систем.
Вклучете се
Сега, кога сте во мирна состојба на умот, донесете одлука како да реагирате. Ако вашето дете вика, смирено кажете му да се смири. Вашата цел е да ги смирите емоциите на вашето дете, а истовремено да поставите цврста граница за тоа што е и што не е соодветно однесување.
