Заврши првото полугодие, оценките се заклучени, а дали сите се задоволни? Понекогаш децаата постигнуваат помал успех отколку што самите очекувале, а и родителите мислеле дека оценките ќе бидат подобри. Што тогаш? Како да се разговара со дете кое имало полош успех на крајот од првото полугодие за да го мотивираме да работи и учи. На овие прашања, за порталот Јумама, одговара училишниот педагог Невена Тоскиќ:
„Кога станува збор за лоши оценки, многу се важни годините на детето, капацитетите, работните навики и мотивацијата. Родителот треба да процени дали детето има лоши оценки поради неможноста на детето да совлада одредени предмети, лоши работни навики, лошо проценување на времето, одолговлекување на учењето…Ако не може да процени зошто успехот е слаб, добро е да се обрати за помош кај стручни лица (педагог, психолог).Често проблем е преминот од петто во шестто одделение, потоа почетокот на пубертетот. Родителот мора рационално да го согледа своето дете и да освести дали има преголеми очекувања за училишните достигнувања на своето дете. Секако дека детето не треба да се осудува, туку отворено да се поразговара со него. Добро би било тој разговор да биде се води кога на детето му е удобно, за време на активност што му се допаѓа. Во секој случај, доколку родителот утврди дека не може добро да ги процени причините за неуспехот, неопходно е да побара стручна помош“.
Дали е грешка децата да учат на распуст?
„Не е грешка ако така се договорите. Пред почетокот на распустот треба да седнете со вашето дете и да направите план на активности. Овој план треба да биде прифатлив и за вас и за детето. Не е добро веднаш по почетокот на распустот да почнете со учење. Добро би било да оставите време за одмор на детето. Во планот вклучете посети кај роднини (баби и дедовци), спортување ако детето тренира нешто, помош дома, време за вас како семејството и дружењето со пријателите. Распоредот што ќе го утврдите ќе биде вашиот заеднички договор до кој сите треба да се придржуваат“.
Кои се активностите што може да ги прави детето за време на распустот, а кои позитивно влијаат на развојот?
„На развојот на детето влијаат: читање, спортување, комуникација со пријателите и дружење, цртање, пеење, актерски работилници, а во однос на детските желби и интереси. Семејни дружења, филмови, театарски претстави имаат многу позитивно влијание врз децата. Добро е децата да се во контакт со природата, животните“. – заклучува педагогот Невена Тоскиќ.
