Времето станува поубаво, природата се буди, се цвета и неизбежно има инсекти кои ги опрашуваат сите тие растенија. Децата често се наоѓаат во зеленило, особено привлечени од колоритноста и не е реткост да ги искаса пчела, да ја стиснат со рака или да нагазат оса, радосно си играат покрај мравјалници. Ова се обично се многу непријатни и болни искуства, кои не можеме секогаш да ги спречиме, но важно е да знаеме како да реагираме кога детето ќе биде искасано од инсект или ќе добие убод- смирено пред се, но брзо и ефикасно.
Инсектите кои можат да убодат вклучуваат:
Пчели: Овие вредни инсекти се хранат со цветен полен. Постојат илјадници различни видови пчели и тие можат да бидат со многу различни бои. Најпознатиот вид е медоносната пчела. Овие пчели градат восочни гнезда на стари дрвја и вештачки кошници. Тие собираат нектар и полен од цвеќето, а потоа го претвораат во мед за храна.
Оси: Иако се тесно поврзани со пчелите, осите не се исто што и пчелите. Имаат помазни и послаби тела. Осите јадат други инсекти, пајаци или човечка храна (затоа тие често висат околу местата за излет или купиштата ѓубре). Нивните гнезда се направени од хартија и изџвакани дрвени влакна.
Мравки: Овие мали инсекти можат да бидат кафеави, црни или црвени. Некои имаат крилја, а некои немаат. Некои мравки можат да убодат, како огнената мравка. Огнените мравки се ситни и црвеникаво-кафеави по боја и живеат во подземни гнезда.
Кои се знаците на убоди од инсекти?
- Местото на убод ќе биде жешко
- Може многу да чеша и боли
- Може да изгледа како црвена испакнатина опкружена со бела кожа
Обично отокот исчезнува за неколку часа, но понекогаш отокот може да трае неколку дена. Осите и многу пчели можат да убодат повеќе пати бидејќи можат да го извлечат осилото без повреда. Медоносните пчели имаат посебни куки на осилото кои го држат во кожата откако ќе убодат некого. Осилото се откинува од телото на пчелата додека се обидува да одлета. Како резултат на тоа, пчелата умира по убодот.
Лицето убодено од огнена мравка ќе почувствува остра болка и печење. Некој што ќе стапне на тумба од огнени мравки ќе добие многу убоди одеднаш затоа што мравките се вознемирени таму каде што живеат сите заедно. Секој убод, во текот на следниот ден, ќе се претвори во бел меур што чеша.
Што е со убодот од пчела, оса или мравка
Убодите од инсекти може да предизвика привремена непријатност и болка, но повеќето не доведуваат до сериозни или трајни здравствени проблеми.
Еве како да се справите со убодот дома:
- Ако пчелата оставила осило, обидете се да го отстраните што е можно поскоро со пинцета без да ја приклештите кесичката со отров на крајот.
- Измијте ја областа внимателно со сапун и вода. Направете го ова два до три пати на ден додека кожата не заздрави.
- Ставете пакет со мраз завиткан во крпа или ладна, влажна крпа неколку минути.
- Дајте му на детето лек против болки што го пропишал педијатар.
- За чешањето, дајте орален антихистамин без рецепт ако лекарот на вашето дете вели дека е во ред. Следете ги упатствата на пакувањето за возраста и тежината на вашето дете.
- Можете исто така да нанесете кортикостероидна крема или лосион со каламин на местото на убодот, по совет на лекар.
Побарајте лекарска помош ако:
Вашето дете има убод каде било во устата. Веднаш побарајте итна медицинска помош бидејќи тоа брзо може да предизвика силен оток кој може да ги блокира дишните патишта.
Забележувате голем осип на кожата или оток околу местото на убодот или ако отокот или болката траат повеќе од 3 дена, што може да биде знак на инфекција.
Користете пин епинефрин ако е достапен и јавете се на Брза помош ако видите какви било знаци на сериозна или потенцијално опасна по живот алергиска реакција, како што се:
- Отежнато дишење
- Стегање во грлото или градите
- Отечени усни, јазик или лице
- Вртоглавица или несвестица
- Мачнина или повраќање.
