Се прашувате во што е проблемот, ако детето пие овошни сокови? Содржат витамини, а покрај тоа се повкусни од обичната вода. Сите ги сакаме и со задоволство ги пиеме. Вистина, но соковите содржат премногу шеќер. Обично, индустриските сокови кои и најчесто ги пиеме, покрај природниот, содржат и многу доден шеќер, што е преголема количина ако детето пие само сок.
Стручњаците од Американската академија за педијатрија, Академијата за нутриционизам и диететика, Американското здружение за здравје на срцето и Американската академија за детска стоматологија, неодамна истакнаа нови насоки поврзани со консумирањето сокови за деца – за дете од 1 до 3 години, тоа е половина чаша дневно, а за деца од 4 до 6 години, до 2/3 чаша сок дневно.
Дали сте барем близу до овие препораки? Ако не сте, постојат начини како повторно да го научите детето да пие вода. Еве неколку правила:
РАЗРЕДУВАЈТЕ ГО СОКОТ СО ВОДА
Индустриските сокови се посебно благи и со интензивен вкус. Гледајте на нив како на концентрат кој е потребно да се разреди со вода. Добра мерка е половина чаша сок и половина чаша вода.
ЕДНА ЧАША СОК (СО ВОДА) И НЕМА РЕПЕТЕ
Договорете со детето правило – “Можеш да испиеш една чаша сок, но потоа ако си жеден напиј се вода“. Детето ќе се навикне на тоа, ако сте доследни во одлуката.
НЕ КУПУВАЈТЕ СОКОВИ
Ова правило можеби е и најважно. Ако нема сок во фрижидерот, децата нема да бидат во искушение да го видат и да поскаат да се напијат, оти нема да имаат избор. Можеби нема да им биде драго, но ако едноставно го нема, го нема и тука е крај на расправијата. Секогаш на детето прво понудете му вода, а соковите гледајте ги како посебен деликатес. И секако, секогаш предност давајте им на свежи цедените сокови, кои исто така треба да се разредуваат со вода.
