Еве што треба да избегнувате доколку имате дете кое сте го фатиле во лага. Обидете се да се соберете и да примените некои од овие совети.
- Казнување
Детето нешто лаже затоа што знае дека ќе има последици. Ослободете го од овој проблем со „ублажување“ на казната доколку детето признае дека направило некоја глупост.
- Вознемирени сте
Детето знае дека вашата реакција ќе биде доста жестока, па затоа претпочита да лаже. Обидете се да не се лутите кога вашето дете ќе ви каже дека нешто згрешило и почесто ќе ја признава вистината.
- Не разбирате зошто лаже
Децата не лажат за важни работи без причина, ако немаат мотив за тоа. Понекогаш фантазираат затоа што немаат чувство за реалност и кажуваат измислици. Понекогаш лажат затоа што не се сеќаваат на вистината и измислуваат приказна во која и самите веруваат. Не треба да бидете премногу груби во решавањето на овој проблем, бидејќи тој ќе исчезне кога детето ќе порасне и ќе ја разбере реалноста. Бидете разбирливи и нежно објаснете му како да ја разликува имагинацијата од реалноста.
- Љубезност
Сите знаеме за белите лаги, кога се преправаме дека толку ни се допаѓаат чорапите од баба, но во реалноста ги фрламе штом таа не може да не види. Зошто да се нервирате кога вашето дете го прави истото?!
- Погрешно сте поставиле прашање
Има ситуации кога не го поставувате прашањето правилно, а детето е принудено да лаже. Кога, на пример, ќе прашате дете „Дали храната е вкусна?“, иако гледате дека не му се допаѓа, најверојатно ќе ве излаже. За да не лаже, можете да го прашате „Дали повеќе би сакал да јадеш нешто друго?“.
- Лажете и вие
Кога и сами лажете, тешко е да се поверува дека вашето дете нема да ве копира. Најчесно нешто што можете да направите е да бидете искрени еден со друг. Без разлика на ситуацијата, обидете се мирно да разговарате со вашето дете за тоа колку е важно да се каже вистината.
