Порано или подоцна речиси секој родител се соочува со одредени проблеми во однесувањето на детето. Ова се три проблеми кои родителите не би смееле да ги игнорираат и совети на стручњаците како да ги спречат.
Детето ве прекинува додека зборувате
Зошто не треба да го игнорирате: Вашето дете може да биде многу возбудено околу нешто, па сака да ви го каже или да ви постави прашање. Но, дозволувајќи му да ве прекинува во разговорот, не го учите како да биде обѕирен кон другите или да се воздржи кога сте зафатени. Според, психологот Џер Вуков, како резултат на тоа, детето ќе мисли дека има право на внимание на другите луѓе и нема да биде во состојба да толерира фрустрации.
Како да го спречите ваквото однесување: Следниот пат кога ќе разговарате со некого на телефон или во живо, кажете му на детето дека треба да биде мирно и да не ве прекинува. Потоа ангажирајте го со некоја активност. Ако и натаму ве велече за ракав, покажете му кон столица или скали и кажете му да седне таму додека не завршите. По разговорот, дајте му до знаење дека нема да го добие она што го бара ако ве прекинува.
Игра прегрубо
Зошто не треба да го игнорирате: Знаете дека мора да реагирате ако вашето дете го удри другарчето во игра, но исто така не треба да игнорирате и посуптилни агресивни активности, како што се туркање на помалиот брат или навредување и штипење на пријателот.
“Ако не интервенирате, грубото однесување може да стане вкоренета навика до осмата година. Со тоа истовремено му испраќате порака на детето дека навредувањето луѓе е прифатливо однесување“, вели д-р Мајкл Борба.
Како да го спречите ваквото однесување: Соочете се со агресивното однесување на лице место. Повлечете го своето дете на страна и кажете му: “Тоа го заболе твојот пријател. Како би се чувствувал тој тебе така да ти направи?“. Дајте му до знаење дека секоја активност која предизвкува болка кај друго лице, не е дозволена.
Се прави дека не ве слуша
Зошто не треба да го игнорирате: Кога детето два, три, четири пати не сака да направи нешто што сте му рекле на пример, да влезе во автомобил, да ги собере своите играчки, тоа испраќа порака дека е во ред да ве занемарува, и дека тоа е главно, а не вие.
“Игнорирањето е игра на моќ и ако дозволите вакво однесување, детето најверојатно ќе стане пркосно и зависно од контрола“.
Како да го спречите ваквото однесување: Наместо разговор со детето од друга страна на собата, дојдете до него и кажете му што треба да направи. Нека ве гледа во очи додека зборувате и да одговори: во ред е. Ако не ве слуша, реагирајте со санкции.
