Од раѓање до третиот месец од животот, бебињата спијат од 14 до 17 часа дневно, а од четвртиот месец до една година тој број се намалува на 12 до 15 часа дневно. Ако бебето спие повеќе пати во денот, подоцните спиења ќе бидат пократки. Кратките спиења може да ги збунат родителите, но и да ги фрустрираат, бидејќи попладневните спиења на детето често се наменети за извршување на некои обврски или за одмор. Експертот за детско спиење, Џејми Лабе советува како да го продолжите времето на дневниот сон.
- Затемнете ја собата
Кога ќе ги затворате прозорците, ролетните и сите други извори на светлина во собата, не треба да ја гледате вашата рака. Ако ја гледате, тоа значи дека собата не е доволно темна, истакнува Лабе. Светлината има многу стимулирачки ефект врз мозокот и телото на детето, а бебињата можат да забележат светлина дури и преку затворени очни капаци.
Ако детето се разбуди по 30-45 минути, ќе му биде многу полесно повторно да заспие ако собата е доволно темна.
- Вклучете бела бучава
Таканаречениот бел шум )бела бучава) може да помогне во постигнување на квалитетен сон, особено во текот на денот кога нема целосен мир како ноќе. Лабе советува избегнување приспивни песни и музика за овие деца бидејќи тие можат да делуваат премногу стимулирачки и да го разбудат детето.
Оваа бучава има постојан тон и ритам што ќе му помогне на детето да остане во сон подолго. Ваков тип на бучава може да најдете на Интернет.
- Следете ги потребите на детето
Ако вашето бебе е премногу уморно или воопшто не е уморно, поголеми се шансите да се бори со спиењето и да спие пократко. Телата на преуморните бебиња лачат стимулирачки хормони за да ги задржат будни, а одморените бебиња можеби и можат да заспијат, но нивните тела ќе бидат подготвени да се разбудат многу порано.
Обидете се да не го ставате вашето дете да спие одморено, но не и преморено. Научете да ги препознавате знаци на замор и времето за пауза.
Поттикнувајте независност од реквизитите за спиење
Ова е можеби најважниот совет, тврди Лабе. Важно е вашето дете да може да заспие без поддршка пазлични реквизити за спиење како што се цуцла, шише, лулашка, возење со количка и слично.
Доколку во првата фаза од сонот детето било поттикнато од некоја успивачка активност, поголеми се шансите да се разбуди и да ја бара таа активност, наместо повторно да заспие, по будењето.
Еднаш кога бебето ќе научи самостојно да спие, без дополнителна поддршка, по завршувањето на еден циклус на спиење во траење од 30 до 45 минути, нема да му недостига стимулација и полесно ќе се врати на вториот циклус на спиење додека целосно не се одмори.
