Според најновите истражувања, прегратката, таа несомнена форма на физичка приврзаност, е исклучително важна за развојот на децата. Истражување спроведено во Националната детска болница во Охајо, опфатило 125 деца, меѓу кои имало и предвремено родени деца.
Утврдено е дека гушкањето и нежноста кон децата предизвикуваат силна реакција на мозокот и им помага побрзо да се развиваат.
Да се сака своето дете и да се биде нежен кон него, не е само убаво и хумано, туку и многу корисно.
Д-р Натали Метр, раководител на истражувањето, објаснува дека овој едноставен чин има огромно влијание на детскиот мозок.
За време на гушкањето, хормонот окситоцин, кој предизвикува позотивни емоции, се ослободува во големи количини и допринесува за јакнење на врската помеѓу родителот и детето.
Недостатокот на прегратки може негативно да влијае на детето, да ја намали неговата самодоверба и да ја отежни комуникацијата со останатите луѓе.
Треба да се знае дека секој пат кога гушкате некого, вие не само што покажувате наклонетост, туку и го зголемувате нивото на окситоцин и го подобрувате целокупното психичко здравје.
