Експерт за родителство открива кои карактеристики се поврзани со децата кои имаат развиена висока емоционална интелигенција. Рим Рауда, експерт за родителство, го проучувала однесувањето на повеќе од 200 деца и дошла до заклучок дека оние кои се високо емотивно интелигентни имаат развиени одредени вештини.
Препознавање на невербални знаци
Децата со висока емоционална интелигенција се многу добри во сфаќањето на туѓите чувства само со набљудување на нивниот говор на телото и изразите на лицето. Експертот советува родителите да помогнат во градењето на оваа вештина преку водење рефлексивни разговори со децата за нивниот ден и емоциите што ги забележале кај луѓето со кои комуницирале. Ваквите разговори ја зајакнуваат нивната способност за читање емоции и нивната самодоверба во разбирањето на другите.
Покажуваат емпатија и сочувство
Овие деца не само што ги препознаваат туѓите емоции, туку и покажуваат вистинска грижа и им нудат помош на другите околу нив. Како пример за такво однесување, експертот посочува дека дете со висока емоционална интелигенција ќе се обиде да го утеши пријателот кој не победил во играта. Ќе му каже на пријателот дека бил одличен и ќе го праша дали сака повторно да игра.
Можат да ги именуваат своите емоции
Емоционално интелигентните деца се одлични во споделувањето на своите чувства. Тие можат да научат да ја развиваат оваа вештина и од родителите кои, истакнува Рауда, ќе ги истакнат своите емоции додека објаснуваат нешто. На пример, „Разочарана сум што не можам да си ги најдам клучевите“ или „Преоптоварен сум со работата што морам да ја завршам“.
Кога децата знаат да ги именуваат емоциите што ги чувствуваат, многу е полесно да се дојде до решение за решавање на проблемот, доколку истиот постои и треба да се реши.
