Во текот на сезоната кога деновите се пократки, а слоевите на облека се подебели, децата поминуваат помалку време надвор. Куповите свежо паднати лисја се паметен начин да ги натерате децата да излезат на свеж воздух и да согорат многу енергија, советува Сара Клоусер.
„За мене, дозволувањето на децата да скокаат во купишта лисја и да ги фрлаат низ дворот е совршена алтернатива за нормалното уништување по дома, што се случува секое попладне.
Тоа е одличен начин заедно да бидете физички активни
„Моите деца ќе си играат во лисјата со часови. За тоа време не застануваат и не ме прашуваат колку време им преостанува на екранот за тој ден. Не прашуваат дали може да изгледаат уште еден цртан филм. Не се жалат што им е здодевно. Наместо тоа, тие се во постојано движење – трчаат, скокаат, се вртат, фрлаат и копаат низ лисјата. Како дополнителен бонус, грабањето на тие купови лисја се добар тренинг за рацете и многу попријатен начин да ја исполнам мојата секојдневна цел на чекори отколку да трчам на лента за трчање“.
Тоа е одлично сетилно искуство
„Сега, кога вашите деца стануваат поголемии, вие дефинитивно сакате да го преземете целиот тој ентузијазам за да скокаат во лисја и да го претворите во желба за собирање на паднатите лисја; меѓутоа, кога се мали, тоа е одличен начин да ги запознаете со сите видови сетилни искуства. Се уште се сеќавам на првиот пат кога ја ставив мојата 8-месечна ќерка во куп лисја и чистата радост што ја зрачеше додека зграпчуваше грст шарени лисја и ги фрлаше насекаде“.
Куповите лисја нудат толку многу можности за учење. Кој може да го фати најголемиот куп лисја? Кој може најтивко да помине низ толпата? Колку лисја со различни бои можете да најдете? Кој може да го најде најголемиот лист? Дали имате дете со вишок енергија или некој на кој му е потребна дополнителна физичка активност во текот на денот? Физичкиот аспект на скокање одново и одново во купишта лисја може да помогне во борбата против долгиот ден и мирното седење на бирото на училиште“.
