И покрај напредокот во технологијата во училницата, тежината на училишните ранци продолжува да расте, а експертите ги советуваат родителите да бараат физички знаци дека тоа влијае на нивните деца.
И покрај генералното правило од 10 проценти, учениците од пониските одделенија во чантата носат во просек по десет книги и тетратки. Тука се и комплетите со моливи, фломастери, боички, линијари… Потоа ужина, шише вода, а понекогаш и опрема за физичко образование
„Од физичка перспектива, ако навистина треба да се наведнат напред за да го држат ранецот и да се наведнуваат на половината, тогаш тоа е најголемиот физички знак што можете да го видите“, вели Никол Хејнс, претседателка на групата за педијатриска физиотерапија на Австралиското здружение за физиотерапија.
Училишните чанти полни со книги не смеат да надминуваат 10 проценти од телесната тежина на детето. Истражувањата покажуваат дека 65 проценти од болките кај децата во вратот и рамениот појас и 35 проценти во лумбалниот ‘рбет се јавуваат како последица на тешки торби и ранци, велат физиотерапевтите.
Според нив, ранецот мора да биде цврст и да има широки прераамки, а детето да го носи на двете рамења. Препорачливо е да се користат ремени за да го фиксирате околу половината, а исто така се советува рамномерно да го наполните ранецот, што значи дека потешките предмети треба да се стават поблиску до ‘рбетот.
Сепак, и покрај генералното правило од 10 проценти, учениците од пониските одделенија во чантата носат во просек по десет книги и тетратки. Тука се и комплетите со моливи, фломастери, боички, линијари… Потоа ужина, шише вода, а понекогаш и опрема за физичко образование.
Експертите препорачуваат децата да се занимаваат со физичка активност со цел нивното тело да се развива здраво, а зајакнувањето на мускулите ќе помогне и при носењето тежок ранец.
Денес постојат ранци на тркала што може да се влечат, што може да биде олеснување за најмалите. Ранците на учениците до четврто одделение тежат во просек од три до седум килограми, додека од петто одделение оваа тежина не е помала од седум килограми. Некои ранци тежат и до 10 килограми.
