Некои однесувања кај децата ве доведуваат до лудило? Но, токму некои од тие е подобро да не се спречуваат, напротив треба да се гледаат како залог за подобра иднина.
Тврдоглавоста на вашето дете денес значи дека во семејството ќе имате повеќе нетрпеливост, конфликти, немир, а утре ќе значи успешен и задоволен човек. Таквите однесувања на децата со кои денес се мачат и борат родителите, подоцна во животот веројатно ќе им бидат од голема корист.
Затоа, издржете, разговарајте и имајте трпение, и секако, колку тешко и неверојатно да звучи, негувајте ги тие особини. Тоа се следниве:
Детето има ЦВРСТ СТАВ И Е ТВРДОГЛАВО, значи
Еден ден ќе има силна волја и став да го спроведе тоа што го сака.
Детето е ИЗРАЗЕНО ЉУБОПИТНО и поради тоа влегува во различни ситуации, значи
Еден ден ќе биде силно насочено на барање на вистината, правдата и ќе остане со желба за нови сознанија.
Детето САКА РИЗИЧНИ АКТИВНОСТИ и често се повредува, значи
Еден ден таа негова храброст ќе биде важна за чувството на задоволство, оти нема да стравува од нови предизвици и целиот свет ќе му биде на дланка.
Детето МНОГУ МЕЧТАЕ, значи
Еден ден неговиот голем креативен потенцијал би можел да заблеска.
Детето е “ПОСЕБНО“ на некој необјаснив начин, значи
Еден ден животот ќе го набљудува на неконвенционален начин и ќе донесува нови идеи.
