Велат дека пристигнувањето на второ дете во семејството е многу поголем предизвик од првото раѓање. Но, постојат начини да се направи таа транзиција да помине глатко. Детски психијатар открива четири чекори што треба да ги преземете за да бидете сигурни дека вашето дете нема да се чувствува запоставено.
Доаѓањето на ново дете е голема промена во вашиот живот, но и во животот на постарото дете. На него можете да видите промени во однесувањето од возбуда до анксиозност и нервоза. Не постои магичен рецепт за да го избегнете ова, но можете да пробате неколку „трикови“ за детето да не се чувствува запоставено кога ќе пристигне новиот член во семејството.
Д-р Кејлин Хендерсон, детски психијатар открива дека со мала подготовка, можете да го подготвите вашето дете да се радува на доаѓањето на новото братче или сестричка.
Таа открива техника која ќе го поттикне вашето дете да се поврзе со бебето уште пред да пристигне. Објаснува дека „слушањето на стомакот“ е одличен чекор за поврзување со тоа што ќе му дадете на вашето дете до знаење дека неговиот брат или сестра може да го слушне додека е во вашиот стомак.
Друг начин да ја олесните транзицијата е да му читате книга за новородени браќа и сестри на вашето малечко.
„Во сликовницата, моето емпатично постаро дете откри дека бебињата плачат за да побараат она што им треба. Толку ја смири сознанието дека бебињата не се секогаш тажни и сакаше да помогне со дешифрирање на плачот на нејзината мала сестра“, додава д-р Хендерсон.
Една од „техниките“ која ќе го поттикне вашето дете да се поврзе со бебето уште пред да пристигне е „слушање на стомакот“ – одличен чекор за поврзување со тоа што ќе му дадете на вашето дете до знаење дека неговиот брат или сестра може да го слушне додека е во вашиот стомак
Повеќето деца се соочуваат со чувство на љубомора кога роднините и пријателите доаѓаат да го видат бебето, а потоа не им обрнуваат внимание, иако до неодамна тие им биле омилени на сите. Објаснете им на пријателите и семејството кои доаѓаат на гости дека не треба да го игнорираат постарото дете или вие потрудете се да му го посветите своето време колку што можете почесто. На пример, однесете го на сладолед или на прошетка. Одвојте некое време само за вас и за него.
Многу луѓе ќе му дадат подароци на вашето новороденче – поради што постарото дете може да се почувствува изоставено. Соберете ги подароците и отворајте ги без присуство на детето за да избегнете чувство на љубомора или подгответе подароци кои ќе може да ги отвори вашето дете.
За крај, експертката за деца го откри најважниот совет, а тоа е да се создадат позитивни асоцијации со бебето.
Тоа може да се случи со вклучување на вашето дете во „подучување“ на вашето новороденче како да се насмевнува за да се чувствува гордо кога бебето ќе почне да имитира.
Малите деца, се разбира, и понатаму ќе копнеат за дружење еден-на-еден со вас додека се прилагодуваат на нивната „нова нормала“. Но, експертката предлага да ги зачувате нивните омилени активности за времето кога бебето е во близина, што ќе им помогне да се навикнат на фактот дека сега ќе има и некој друг во нивна близина исто така.
