За повеќето вработени родители, балансирањето помеѓу работата и потребата да се поминува повеќе време со децата може да биде постојана и стресна борба. Но, можете да престанете да ги броите часовите и минутите кои ги поминувате на работа наместо дома, вели детскиот психолог Това Клајн.
„Квалитетот на времето што го поминувате со вашите деца е поважен од квантитетот – и тоа е клучот за идниот успех на вашето дете“, вели д-р Клајн.
Ако вашите деца не поминуваат доволно време со вас, тие ќе ви укажат на тоа со своите постапки. Кај помалите деца тоа може да значи почести изливи на гнев, фрлање играчки и удирање на родителите или браќата и сестрите. Понекогаш децата едноставно може да се повлечат ако чувствуваат дека родителите не им посветуваат доволно внимание
Истражувањата го потврдуваат тоа: не постои корелација помеѓу количината на време што родителите го поминуваат со своите деца на возраст меѓу 3 и 11 години и успехот на тие деца подоцна во животот, според студијата од 2015 година објавена во Журналот за брак и семејство.
Имајќи го тоа на ум, фокусирајте се на градење значајни врски со вашите деца во текот на времето што го поминувате со нив, вели Клајн. „Клучно е тие да прераснат во самоуверени и мотивирани возрасни луѓе.
Најдете ситници кои ќе го зголемат квалитетот на времето што го поминувате со вашето дете
„Ако имате само половина час за вашето дете во текот на денот, тоа може да биде гушкање кога ќе се разбуди. Можете да организирате и заеднички вечери, а потоа да го прашате детето како го поминало денот“, истакнува таа.
Помалку може да биде повеќе
Според Клајн, не мора секогаш да одите на излет или да организирате некоја посебна активност.
„За децата секогаш важи: помалку е повеќе. Тие само сакаат да бидат со вас. Сакаат да седат во скут и да читаат книга или да си играат со топка. Планирањето на голем ден може да предизвика дополнителен стрес и кај вас и кај вашето дете и на крајот да ве оддалечи од интеракцијата која ја зајакнува емотивната врска“, појаснува таа.
Гледањето во телефоните ја намалува поврзаноста и квалитетот на односот помеѓу родителите и децата. Обидете се да земете слободен ден барем за викендите и дајте му до знаење на детето дека сте тука и дека мислите на него
Внимавајте на однесувањето на вашето дете
Ако вашите деца не поминуваат доволно време со вас, тие ќе ви укажат на тоа со своите постапки. Кај помалите деца тоа може да значи почести изливи на гнев, фрлање играчки и удирање на родителите или браќата и сестрите. Понекогаш децата едноставно може да се повлечат ако чувствуваат дека родителите не им посветуваат доволно внимание.
Овие знаци можат да се појават дури и ако сте дома, а што значи дека не сте присутни во времето што го поминувате со децата. Најголемиот виновник за тоа е вашиот телефон.
„Мораме да бидеме свесни дека гледањето во телефоните ја намалува поврзаноста и квалитетот на односот помеѓу родителите и децата. Обидете се да земете слободен ден барем за викендите и дајте му до знаење на детето дека сте тука и дека мислите на него“, порачува таа.
