Иако љубовта е важна, таа не може и нема секогаш да им помогне на децата да функционираат во возрасниот живот. За тоа е потребна структура, смета психологот д-р Лиза Дамур, една од најпродаваните автори и колумнистка на Њујорк Тајмс. Ако мора да биде само едно од двете, подобро е да има структура, смета психологот.
„Децата можат да добијат топлина од нивните наставници, но тие можат да добијат структура само од нивните родители“, вели таа.
Зошто структурата е толку важна за децата
Можеби нема да се согласите со психологот, но таа истакнува дека нејзините заклучоци се базирани на истражувања. Ако на децата немаат структура во животот, тој недостаток може да доведе до анксиозност во зрелоста. Затоа тука се родителите кои треба да бидат доследни лидери, предводници на структурата и константа во животот на детето.
Секако, љубовта не смее да се занемари: „Тие мора да се чувствуваат сакано и мораат да ги знаат правилата“, вели д-р Дамур. Задачата на родителите е да им ги обезбедат на децата овие две компоненти и тоа е воедно и најдобро ако децата ги имаат и двете. Најлошите приказни се случуваат кога децата растат без љубов и без структура бидејќи тоа се деца кои завршуваат во деликвенција.
Во пубертетот, децата почнуваат да бидат во конфликт со структурата
Таа потреба за структура е особено изразена за време на пубертетот, кога децата се склони да прижаат отпор токму на оваа структура. Сепак, цврстите родители ќе бидат важна поддршка за адолесцентот, а попуштањето и недоследноста може да создадат чувство на несигурност кај нив. „Да се биде тинејџер значи да се чувстуваш како сам да немаш контрола и си опкружени со луѓе кои немаат контрола“, вели Дамур. „Едноставно не сакаш родителите да ти немаат контрола“.
Дамур, исто така мајка на тинејџерка, за родителите споделува неколку брзи совети:
- Правила за безбедност. Децата претпочитаат да ги следат правилата ако ги разбираат и го сфаќаат нивното значење. „Затоа што јас сум ти татко!“ не е реченица која ќе го мотивира тинејџерот.
- Не ја потценувајте моќта на извинувањето. Таа им порачува на тинејџерите дека ги почитувате и помага да се изгради самодоверба.
- Стресот е нормален дел од растењето и им помага на тинејџерите да напредуваат и да станат поотпорни. Стресот станува проблем кога детето нема паузи и можности да се опушти.
- СО технологијата треба да се запознаат што е можно подоцна и треба да се држи подалеку од нивните соби. Игрите, социјалните мрежи, интернетот и телевизијата одземаат драгоцено време за сон, што е клучно за растот и развојот на младиот организам. „Можеби ќе ја изгубите битката, но подобро е да ја изгубите на 17 отколку на 13 години“, заклучува психологот Дамур.
