Зголемениот стрес на кој се изложени нервните завршетоци и мускулите кај жената, се главната причина за појава на болки во грбот за време на бременоста. Понекогаш вистински анатомски причини за појава на болката не постојат, но чувството на непријатност сепак се појавува.
Со примена на овие совети ќе ја намалите болката и истовремено ќе ги избегнете непријатните симптоми.
- Проверете ја должината на вашите нозе кај вашиот лекар. Понекогаш може да се случи едната нога да ви биде пократка за неколку милиметри од другата нога. Доколку го имате овој проблем кој се јавува поради асиметричноста на вашето тело, може да доведе до појава на сериозни проблеми пропратени со болки во ‘рбетот.
- Балансирајте ја вашата исхрана.
- Некои болки во вратот се јавуваат како последица на претераното стегање на вилицата.
- Носењето на тешки торби влијае негативно на вашето тело, и може да предизвика мало искривување на ‘рбетот.
- Избегнувајте да носите чевли со високи потпетици, и избегнувајте ги и оние кои се целосно рамни.
- Вежбањето и спортот ги намалуваат болките во грбот.
- За време на бременоста многу е важно да ги правите основните вежби наменети за грб.
- Некои домашни обврски ги затегнуваат мускулите на грбот. При подигнување на потешки предмети, внимавајте грбот секогаш да ви биде исправен.
- Болките во грбот може да се намалат и доколку при спиењето внимавате тој да биде во рамна положба.
