Децата природно сакаат да учат, доколку им обезбедиме вистинската средина и соодветно ги мотивираме. Но, често, особено кога се во прашање првачињата, доживуваат своевиден шок бидејќи преминот од градинка во училиште не е лесен. Одеднаш мора да седат мирни неколку часа и да пишуваат домашна задача секој ден.
Но, ако родителот е ангажиран, може многу рано да го мотивира детето да пишува домашни. Сепак, потребно е да се најде граница и да не се пишува домашната наместо детето.
Доколку наместо него му ја пишувате домашна задача по математика или лектира, му правите лоша услуга на детето. Тоа само мора да стане свесно за своите обврски. Исто како што ваша обврска е да одите на работа, негова е да оди на училиште и да си ја пишува домашната задача.
Сепак, што да направите ако детето упорно одбива да напише домашна задача?
Утврдете дали се работи за непишување домашна задача само од еден или од сите предмети
Не е исто ако детето општо одбива да пишува домашни задачи или тоа го прави само за еден или два предмети. Последново укажува дека има развиено навики за пишување задачи, но дека проблемот лежи во одреден наставен предмет. Најчесто е поврзано со тоа да на детето не му се допаѓа тој поредмет или не го разбира.
Само тоа го прави да се чувствува вознемирен само размислувајќи за тој предмет. Ако сте забележале дека е така, разговарајте со наставникот по тој конкретен предмет.
Прашајте како му оди на вашето дете на час и што треба да направи за да ги подобри резултатите. Можно е да бидат потребни инструкции за да со експерт кој ќе може да му се посвети еден на еден, детето да ги совлада барем основите на материјалот и да чувствува помал отпор и кон предметот и кон домашната задача.
Детето мора да знае дека домашната задача е негова обврска и дека неизвршувањето има последици
Пишувањето домашна задача е обврска. Тоа не е нешто што може да го избира. Доколку целосно го игнорира пишувањето на домашната задача, тоа ќе има свои последици во вид на лоши оценки, а со тоа и помалку можности за подобро образование.
Заканите, казните и наградите не се алатки што ќе го принудат детето да напише домашна задача.
Останува на родителот што порано да му објасни на детето зошто треба да пишува домашна задача, идеално веќе во прво одделение. Иако често се вели дека учењето, па дури и пишувањето домашна задача треба да биде игра, реалноста не е таква. Всушност, дали вам секоја задача што треба да ја извршите ви е забавна? Не ви е.
Меѓутоа, додека му објаснувате на детето зошто мора да пишува домашна работа, обидете се тоа да го правите што е можно помирно, без повишен тон и закани.
Оставете го детето да се отвори и да разговара, но немојте да го срамите. Затоа внимавајте на тонот и бојата на гласот.
Воспоставете рутина за пишување домашна задача и редовно проверувајте ја
Ако вашето дете моментално нема навика да пишува домашна задача, нема магично стапче преку ноќ тоа го направи, само затоа што еднаш сте разговарале со него. Мора да бидете упорни во следењето на неговиот напредок. Најлесно ќе биде ако одредите време и место за пишување на домашната задача. Ако детето нема сопствено биро, нека пишува на масата во кујната, но нека биде секогаш така. На детето му треба рутина.
За да се стекне таа рутина, потребно е и родителско внимание. Секој ден откако ќе се врати од училиште, прашајте го која е неговата домашна задача. Откако ќе се напише, проверете дали е готово. Исто така, бидете достапни доколку заглави на некоја задача и обидете се да го насочите до решение. Не решавајте наместо него, само водете го.
Ако се сомневате дека детето не е искрено дали има или нема домашна задача, секогаш можете да проверите кај наставниците или во сè попопуларните групи родители во апликациите за комуникација.
Со текот на времето, детето ќе добие навика самостојно да пишува домашна работа, но за тоа е потребно време. Колку порано почнете да ги применувате овие совети, толку полесен и поуспешен ќе биде процесот.
