Секој родител, без исклучок има денови кога мисли дека греши во воспитување и растењето на детето. И тоа е нормално. Преиспитувањето на постапките е одлична работа, но нема “грешни постапки“, бидејќи секој го прави она што мисли и знае дека е најдобро во дадениот момент.
Стручњаците сметаат дека ако редовно се придржувате до овие совети, на дневна основа, нема за што да се грижите кога е во прашање воспитувањето на децата.
- Исполнете ги ветувањата
Држете се до она што сте му го ветиле на детето. Така градите доверба помеѓу вас и вашето дете.
- Бидете емпатични
Емпатијата обезбедува да вашето дете се чувствува како да го разбирате. Покажете почитување кон неговите чувства.
- Прифатете го детето такво какво што е
На детето покажувајте му безгранична љубов. Дозволете му да расте и размислува поинаку од вас.
- Бидете внимателни
Обрнете внимание на сегашноста и уживајте во моментот. Забележувајте што се случува околу вас и бидете приутни.
- Негувајте самосвесност
Помогнете му на вашето дете да ги препознае своите чувства. Сфатете како чувствата на вашето дете влијаат на неговото однесување.
- Помогнете му на детето да развие позитивни навики
Добрите навики се развиваат со зачестеност и повторување. Се што редовно правиме, чувствуваме или мислиме може да стане навика.
- Не попуштајте кога детето лошо се однесува
Немојте на детето да му зборувате едно, а да правите друго. Бидете доследни и на детето дадете му пример кој може да го следи.
- Воочете што вашето дете прави добро и признајте го тоа
Децата напредуваат со позитивни повратни информации. Активно следете го доброто однесување на вашето дете и пофалете го.
- Дисциплинирајте го детето со љубов
Целта е на нешто да го научите детето, а не да го казните или засрамите. Реагирајте вешто, а не избрзано.
- Бидете доследни во вербалната и невербалната комуникација
Децата слушаат што зборувате и гледаат што правите. Внимавајте што и како правите и зборувате.
