Постојат различни насоки за тоа како треба да изгледа дневното мени на бебињата кога ќе почнат да внесуваат цврста храна. Секако, треба да се следи индивидуалноста и потребите на детето, но експертите се сложни околу тоа кои намирници во исхраната на детето треба да се сведат на минимум.
Доколку не сте сигурни за влијанието и нутритивната вредност на одредени намирници кои бебето ги консумира, најдобро е да се консултирате со вашиот педијатар.
Што да се избегнува во исхраната?
Стручњаците составиле листа на намирници кои би требало да се избегнуваат во исхраната на детето. Иако намирниците се здрави, може лошо да влијаат по здравјето на бебето од различни причини.
Егзема и одредени стомачни проблеми може да предизвикааткравјото млеко и белката, и тоа најчесто кај деца помали од 12 месеци. Овошје со семки и тврдо овошје може да доведе до гушење, па така намирници како калинка, пуканки и свеж морков не се препорачливи.
Не се препорачува ниту здравата намирница – медот. Медот може да содржи бактерија која предизвикува ботулизам, додека поголема количина на овошје може да доведе до дијареа.
Рибата треба да се заобиколува, кај бебиња до 12 месец, оти може да даде алергиска реакција. Одредени видови риба, како сабјарка и скуша содржат високо ниво на жива во себе.
Исто така се препорачува и избегнување намлечни производи од непастеризирано млеко, како сирење оти може да предизвика труење со храна.
Секако не се препорачуваат ниту напитоци кои содржат кофеин, како леден чај или газиран пијалак.
