Од самото зачнување, па се до престанување со доењето, градите константно се менуваат. Сепак, постојат едноставни начини како мајките можат да си го олеснат овој период. Ова се дел од нив…
- Набавете соодветен градник
Во периодот на доење многу е важно да бирате памучни градници кои не ги стегаат градите, но кои нудат стабилна поддршка. Моделите со корпи и жица (фишбајн) не се добар избор, оти можат да ве стегаат и да го попречуваат доењето, односно производството на млеко. Исто така и градниците за доење се удобни, и можете во нив и да спиете доколку градите ве болат во текот на ноќта.
- Внимателно бирајте креми против стрии
Пеи изборот на препарати за нега на кожата во бременоста и по породувањето, предност се дава на средствата кои содржат природна база – етерични масла и билни екстракти. Добри се невенот, камилицата, алоето, маслинката, бадемовото масло, авокадото и ши и какао путерот, како и пчелиниот восок. Избегнувате користење препарати веднаш по породувањето, особено на градите, на кои не трба да ставате на почетокот ниту креми, ниту масла. Подоцна, кога бебето ќе научи да цица, може да се користат безбедни средства за нега.
- Водете сметка за исхраната
За да спречите појава на стрии, важно е и правилно да се храните. Треба да пиете повеќе течности и да консумирате овошје и зеленчук, односно намирници кои содржат витамини Е и Ц, но и оние кои содржат протеини. Ограничете го внесот на сол, за да се намали задршката на вода во телото, а со тоа и отекувањето на градите.
- Подгответе студени облоги
Доколку градите ви се жешки и болни, ставете студени облоги. Одлично помага разладен лист од зелка. Отеченоста на градите може да се ублажи и со топла купка.
