Доколку вашето бебе има помеѓу шест и осум месеци и штотуку почнува со дохрана, започнете со процесот полека, подготвувајќи многу мали количини на било која храна која сте ја избрале за да ја започнете дохраната.
Прво надојте го бебето, а потоа понудете му малку дохрана. Важно е да запомните дека мајчиното или адаптираното млеко во овој момент се многу важни и не грижете се ако бебето на сака да изеде повеќе од неколку лажички од она што сте му го подготвиле.
НАМИРНИЦИ КОИ СЕ ПРЕПОРАЧУВААТ ОД 6. ДО 8. МЕСЕЦ
Житарки и снегулки: ориз, јачмен, овес
Овошје: авокадо, кајсија, јаболка, банана, манго, праска, круша, слива, тиква.
Зеленчук: сладок компир, морков, грашок, тиквица, боранија, пашканат.
Протеини: пилешко месо, мисиркино месо, тофу.
Млечни производи: павлака
Кога е во прашање воведувањето на месо, тоа сега се препорачува како една од првите намирници во дохраната. Многу педијатри, особено во Канада, Велика Британија и во европските земји, го препорачуваат месото како една од првите цврсти намирници за бебето. Раното воведување на месото, помага бебето да добие повеќе железо, цинк и протеини. Секако, пред секое воведување на нова намирница, консултирајте се со својот матичен педијатар.
