“Доенечко спиење“ е тремин кој го предложил стручњакот за спиење, д-р Џејмс Мекена, а подразбира доење на бебето додека мајката и бебето спијат заедно. Се работи за пракса која во денешното општество е обвиена со превез на страв, вина и дезинформации.
Но, д-р Мекена верува дека делењето кревет со бебето е природно, нормално и здраво. Тој смета дека мајките кои дојат, физиолошки се ускладени со своите бебиња и дека мајката која дои веројатно повеќето од ноќите ќе ги мине во лесна фаза на сон, за да биде подготвена да се разбуди доколку нејзиното бебе е во опасност.
Се претпоставува дека поголем дел од семејствата практикуваат заедничко спиење (вклучувајќи делење кревет и делење на соба), но дека многу родители не сакаат да признаат дека спијат заедно со децата, најмногу поради стигма.
Научниците сега почнаа да откриваат мноштво физички и емоционални предности на спиењето во непосредна близина на бебето. Тие идентификувале бројни физиолошки системи кои кај бебето се регуларни кога нивните мајки спијат во близина и вклучуваат:
- Возбуда
- Дишење
- Телесна температура
- Метаболизам
- Ниво на хормони
- Производство на енизими/антитела
- Имун систем
Бројни истражувања покажале дека делењето кревет и тоа како може да биде безбедна и практична опција (особено за мајките кои дојат) кога се практикува одговорно и со вистински мерки на претпазливост.
ОКОЛНИ МЕРКИ:
- Рамен и цврст душек
- Без перница
- Без дупки помеѓу душекот/ѕисот
- Без висечки предмети во близина
- Никогаш спиење на тросед, воден кревет, фотелја
- Без домашни миленици во креветот
РОДИТЕЛИ/БЕБЕ
- Бебето треба да биде здраво и родено во полн термин
- Мајката треба исклучливо да дои ако бебето е помладо од шест месеци
- Двајцата родители треба да бидат трезни, и не смеат да бидат под дејство на алкохол/лекови/дрога
- Ниту еден од родители не смее да биде со прекумерна телесна тежина
- Бебето не смее да биде во повој
- Бебето треба да спие на грб (или лесно на страна, со лицето свртено кон дојката)
