♦♦♦♦♦♦♦
Доктор од Њујорк сè уште има симптоми на коронавирус после повеќе од 100 дена откако се заразил со COVID-19.
Д-р Јочај Рием, трета година на психијатрија во NewYork-Presbyterian Hospital, Weill Cornell Medicine, се разболел на 14 март. По неколку дена со треска, губење на апетитот и болка во ногата, му бил дијагностициран COVID-19.
Сега, четири месеци подоцна, лекарот сè уште искусува гастроинтестинални симптоми како болка во стомакот и гадење, „постојана непријатност“ во ногата и абнормална функција на црниот дроб. Д-р Реим вели дека се чувствува безнадежно, а некои денови верува дека никогаш нема да се ослободи од знаците на болеста, која уби повеќе од 131.000 Американци.
„Рутинското тестирање покажа дека нивото на ензими на црниот дроб во мојата крв е повисоко отколку што треба, но не премногу, и јас бев испратен дома“, ја раскажува д-р Рием својата приказна.
Д-р Рием се потсетува дека кога дошол денот 14, сè уште немал респираторни симптоми, но симптомите што ги имал не исчезнале, а ниту една препорака од лекарите не делувала на нивно ублажување.
Од Американскиот центар за контрола и превенција на болести велат дека симптомите обично се појавуваат помеѓу 2 и 14 дена од преносот на инфекцијата. Луѓето со лесни случаи обично се опоравуваат во рок од една до две недели, додека на оние со потешки случаи може да им требаат шест недели или повеќе за да оздрават.
Конечно, д-р Рием решил да се приклучи на групата за поддршка на Интернет за луѓе кои имаат долготрајни симптоми на вирусот. Некои членови дискутирале за покачена температура која не опаѓа, додека други го опишале заморот како толку ослабувачки што не можеле ниту да прошетаат во квартот каде што живеат.
Експертите не се сигурни зошто некои пациенти со коронавирус искусуваат симптоми долго време, но има некои теории.
Една теорија е дека вирусот се реактивира во телата на пациентите, што се јавува со неколку други болести како што е херпес. Некои експерти за заразни болести веруваат дека долготрајните симптоми може да претставуваат долготраен имунолошки одговор на инфекцијата. Друга теорија е дека луѓето доживуваат симптоми како резултат на оштетените органи кои сè уште сами не се санирале… Сепак, ниту една од овие теории се уште не е докажана. (Дејли мејл)
