Мама Ани, пред да ги роди своите две деца, била стенд-ап комичарка. Сега, кога не си игра со своите деца и не пресоблекува пелени, пишува забавен блог во кој ги опишува секојдневните предизвици на мајчинството и родителството. Во една од последните објави, споделила духовит прирачник за мајки за сексот по породувањето, кој ги опишува сите фази на сексот по добивањето бебе:
Подалеку со тоа од мене!
Оваа фаза започнува штом почнете да ги чувствувате своите први вистински трудови и не завршува додека не почнете да спиете барем пет часа наеднаш. Кога имаш чувство на изгореница на своите срамни усни, носиш долна облека и се потиш преку пижамите четири пати во текот на ноќта, тешко е да е поверува дека сексот е тој што всушност те довел во оваа ситуација. Ако сепак постои голема шанса дека на твојот партнер се ова ќе му биде возбудливо и ќе добие енергија за нешто повеќе, најдобро да му покажеш фотографии од жена која вагинално се пораѓа. Ти гарантирам дека тоа ќе ја убие желбата и кај највозбудениот маж!
Сексот претставува премногу работа!
По околу шест месеци, постои можност повторно да посакаш секс… еднаш. Се сеќаваш дека било забавно и пријатно, но во овој период од родителството, кога не си спиела повеќе од пет часа во континуитет – да правиш било што навечер освен миењето заби и лазење до креветот ти се чини како преголем предизвик. Од друга страна, твојот партнер веќе би можел да се прашува зошто ти треба толку време да се вратиш назад во приказната. Ако е тоа случај кај тебе, ти предлагам повторно да ги извлечеш оние фотографии од породување или да му подариш некој добар филм за возрасни. Иако сите порно филмови ги сметав за штетни, не ми беше грижа додека тоа го држеше мојот сопруг подалеку од мене додека се обидував да спијам.
Одиме да пробаме!
Твоето бебе конечно ја преспива цела ноќ, ти почна редовно да се тушираш и си се навикнала на својата постпородилна фигура. Почнуваш повторно да се чувствуваш секси. Ги депилираш нозете, испиваш по некоја чаша вино, имаш романтични моменти и сфаќаш дека твоите гради не се толку полни со млеко. Тоа е вашен чекор во вашиот однос оти ништо не го убива расположението како кога млекото почнува да шприца на сите страни, вклучувајќи гии очите на твојот партнер. Сепак, кога конечно ќе почнат да се случуваат вистински работи, сфаќаш колку се е се уште болно и двајцата заклучувате дека е подобро да забавите и повторно да пробате друг пат, кога ќе испиеш малку повеќе алкохол и по можност, ќе земеш некој аналгетик за намалување на болки.
Повторно се запознаваш со својот стар пријател, сексот
Си се навикнала на тоа да имаш дете. Веќе имаш некаков распоред, некоја рутина. Бебето спие одредено време преку ден, спие и во текот на ноќта. Полека се повеќе и повеќе личин на старата ти. Со партнерот сега веќе и минуваш некое време сама и понекогаш одите на пијалок или романтична вечера. Успешно сте го совладале постпородилниот секс неколку пати и твоите женски делови повеќе не се чувствуваат како да сакаш да ги запалиш кога ги користиш. Можеби дури и си престанала да доиш и твоето тело е повторно твое, што го славиш со почести сексуални односи. Одеднаш сексот по бебето е неверојатен! Не можеш да веруваш дека толку многу ти требало повторно да имате односи само затоа што си родила и си била уморна! Што ми било?! Во тој момент, заедно со партнерот одлучуваш дека е време за многу повеќе секс.
Би можеле да имаме уште едно бебе!
Кога спиеш цела ноќ и ќе испиеш некоја чаша вино, ова ти се чини како одлична идеја. Зошто не се обидеме? Ако ништо друго, барем ќе имаме многу секс, што е одлично! Дефинитивно треба да се обидеме. Бебињата се толку слатки и прекрасни, зарем не би било предобро да имаме уште едно дете? Без грижа, имањето второ дете ќе биде многу полесно отколку првиот пат и ние го можеме тоа! А, сега,соблекувај ги панталоните! (Или потсете се на се и заклучете: Сексот е супер, но и да се спие цела ноќа е исто така супер. Земете кондом!)
