Според резултатите од студијата која ги анализирала податоците на повеќе од 81.000 деца, гестацискиот дијабетес на мајката и големата телесна тежина при раѓање тројно го зголемуваат ризикот од развој на обезност кај детето.
Исто како и пушењето, консумирањето алкохол и другите животни навики, телесната тежина на мајката пред бременоста и зголемувањето на телесната тежина, како и зголеменото ниво на шеќер во крвта за време на бременоста имаат значително влијание врз идното здравје на децата.
Треба да се напомене дека, според експертите, здравата бременост започнува многу пред жената да забремени.
Резултатите од оваа студија покажале дека стапката на прекумерна телесна тежина и обезност изнесувала 43 проценти кај децата кои биле поголеми од просекот при раѓањето и чии мајки имале гестациски дијабетес. Стапката на прекумерна телесна тежина и обезност кај децата со просечна родилна тежина и чии мајки немале гестациски дијабетес била 21 процент.
Исто така, треба да се каже дека прекумерната телесна тежина на детето при раѓање повеќе придонесува за развој на дебелина во детството отколку гестацискиот дијабетес на мајката.
Не треба да се заборави дека доењето во првите пет месеци од животот на детето го намалува ризикот од прекумерна тежина за 25 проценти.
Извор: Diabetology
