Раководителот на новата британска студија, проф. Тим Спектор наведува дека инфекцијата со новиот делта сој многу повеќе потсетува на обична настинка кај младите луѓе, па иако човек нужно не мора да се чувствува многу лошо, сепак, може да ја прошири инфекцијата и да изложи други лица на ризик. Тој советува дека секој што има симптоми мора да направи и тест.
„Се чини дека оваа варијанта делува нешто поинаку“, истакнува проф. Тим Спектор, додавајќи дека луѓето може да помислат дека се работи за сезонска настинка
Познати и вообичаени симптоми на болеста Ковид-19 се кашлица, температура, губење на вкус и мирис.
Но проф. Спектор посочува дека гореспоменатите симптоми се поретки, судејќи според податоците собрани од неговиот тим од илјадници луѓе кои ги пријавиле своите симптоми во посебна апликација.
„Од почетокот на мај, ги следиме симптомите на корисниците преку нашата апликација, а симптомите не се исти како што беа“, додаде тој.
Се чини дека до промената во симптомите дошло со појавата на делта сојот, кој за прв пат е забележан во Индија, а сега е одговорен за околу 90% од случаите на инфекција во Велика Британија. Додека треската останува еден од симптомите, губењето на вкус и мирис не се јавува во првите 10 симптоми, а главоболката и течењето на носот во моментов се најчести симптоми, кои може да се јават и заедно со воспалено грло.
„Се чини дека оваа варијанта делува нешто поинаку“, истакнува професорот, додавајќи дека луѓето може да помислат дека се работи за сезонска настинка и понатаму да продолжат слободно да се движат меѓу народ, на пример, на еден собир можат да заразат уште шест други луѓе и токму во тоа е и проблемот.
„Пораката е ако сте млада личност, сигурно ќе имате благи симптоми како што се течење на носот и главоболка, но и во овој случај треба да останете дома и да се тестирате“, додава тој.
