Родителите се склони да мислат дека нивните деца се посебни. Ова понекогаш може да биде во добра смисла, а понекогаш баш и не. Дали некогаш сте се посомневале дека вашето дете се однесува малку поинаку од неговите врсници или сте добиле впечаток дека родителските тактики за кои читате не функционираат баш во вашиот дом? Ако одговоривте потврдно, тогаш можеби имате длабоко чувствително дете.
„Имам едно такво дете“, вели д-р Беки Кенеди и ги споделува знаците по кои дека можете да препознаете такво дете.
Имаат почести, поинтензивни и подолготрајни ескалации во однесувањето
“Длабоко чувствителните детски чувства се движат од 0 до 100 и се чини дека се поинтензивни, почести и подолготрајни. Мислам дека е важно родителите да знаат дека таквите деца не ги измислуваат своите чувства“, појаснува д-р Кенеди.
За нив, типичните родителски стратегии не функционираат
Дали сте прочитале еден куп книги за родителство и сте разговарале со вашите пријатели, но сè што тие ве советуваат не функционира за вашето дете? Дотолку повеќе, имате чувство дека типичните родителски стратегии уште повеќе го вознемируваат? Д-р Кенеди вели дека ова се случува затоа што таквите стратегии навистина не функционираат за длабоко чувствителни деца.
“Клучно е да изберете многу поедноставен пристап. Ако вашето дете дивее, не му кажувајте ништо на детето во таа ситуација. Не го гушкајте и не го тешете физички. Важно е само да покажете дека сте тука и дека го внимавате на детето“, објаснува таа.
Првиот чекор со кој ќе му помогнете на длабоко чувствително дете е да разберете дека вашето дете е токму такво. Потоа е важно да ги сфатите тригерите за неговото однесување и да не ги потврдувате неговите стравови дека е навистина толку лошо колку што мисли.
“Не кажувајте му на длабоко емотивното дете дека ќе заминете ако не ја сака вашата помош. Со тоа ги потврдувате неговите сомнежи. Седнете до детето и покажете му дека не се плашите од неговите емоции”, заклучува таа.
