Две деца се дијагностицирани со мајмунски сипаници во САД, објавија федералните здравствени власти.
Едниот случај е мало дете, тодлер кое е жител на Калифорнија, а другиот е новороденче кое не е жител на САД, но било тестирано додека било во Вашингтон, изјавија претставници на ЦДЦ.
Повеќе од 18.000 случаи на мајмунски сипаници се пријавени во светот во 78 земји
Официјалните лица истражуваат како децата ја добиле болеста, за која властите веруваат дека се случила преку пренос во домаќинството. Двата случаи не се поврзани.
Двете деца имаат симптоми, но се во добра здравствена состојба и се лекуваат, наведува Си-Ен-Ен. Тие се лекуваат со антивирусен лек наречен тековиримат (TPOXX), кој ЦДЦ го препорачува за деца под 8-годишна возраст бидејќи се смета дека се изложени на поголем ризик.
Повеќе од 18.000 случаи на мајмунски сипаници се пријавени во светот во 78 земји, според Светската здравствена организација, која прогласи глобална здравствена вонредна состојба во саботата. Декларацијата значи дека СЗО верува дека заканата по јавното здравје бара координиран меѓународен одговор за да се спречи да стане пандемија.
Во САД, откриени се повеќе од 2.890 случаи на мајмунски сипаници, со случаи во сите, освен шест држави, според најновите податоци на ЦДЦ. Њујорк има пријавено 900 случаи, потоа Калифорнија со 356 случаи и Флорида со 247.
Повеќето случаи ширум светот се кај мажи кои имаат секс со мажи, иако здравствените власти нагласија дека секој може да се зарази со вирусот, според АП.
- Во Европа, најмалку шест случаи на мајмунски сипаници се откриени кај луѓе на возраст од 17 и помлади. Претставници на ЦДЦ во петокот рекоа дека најмалку осум жени во САД исто така заболеле од мајмунски сипаници
Кај децата, преносот може да се случи преку „држење, гушкање, хранење, како и преку заеднички предмети како што се крпи, постелнина, чаши и прибор“, изјавија претставници на ЦДЦ.
Вакцината против мајмунски сипаници Jynneos е достапна за децата преку специјални протоколи за проширена употреба, објави Си-Ен-Ен. ЦДЦ, исто така, има нови упатства за давателите на здравствени услуги за идентификување, лекување и спречување на мајмунски сипаници кај деца и тинејџери.
Случаите на мајмунски сипаници кај децата не се изненадувачки и САД треба да бидат подготвени да одговорат на повеќе случаи кај децата, изјави за Си-Ен-Ен Џенифер МекКвистон, ДВМ, заменик директор на Одделот за патогени со високи последици и патологија на ЦДЦ.
„Социјалните мрежи што ги имаме како луѓе значат дека имаме контакт со многу различни луѓе“, рече таа. „И додека оваа појава се шири на одредена социјална мрежа во моментов, мислам дека од самиот почеток испративме порака дека може да има случаи што се случуваат надвор од тие мрежи и дека треба да бидеме внимателни за тоа и подготвени да одговориме и да испратиме порака за тоа.“ (WebMD)
