Постојат некои фрази кои родителите понекогаш им ги кажуваат на своите деца, а кои можат да направат повеќе штета отколку корист. Тоа се зборови кои често ги изговараат без премногу размислување, главно кога се изнервирани, уморни или фрустрирани. Освен што имаат негативно влијание врз физичкиот и психолошкиот развој на децата, тие можат да доведат и до лоши односи меѓу родителите и децата.
Психолозите предупредуваат дека овие реченици треба во целост да се избегнуваат за да не им се наштети на децата. Една од тие чести фрази е: „Не ти верувам.“ Оваа реченица може да доведе до негативни последици бидејќи укажува на тоа дека родителот не му верува на своето дете, а токму довербата е исклучително важна во односот родител-дете.
Довербата, објаснуваат експертите, е најдобриот начин за квалитетна комуникација со детето што му олеснува да порасне во стабилна и самоуверена возрасна личност.
Постои уште една фраза што многу родители ја користат, а која не би смееле: ”Се однесуваш како дете”. Оваа реченица родителите често ја изговараат кога нивното дете има испади на бес или тантруму, непослушно е или плаче. Но, всушност, може да направи многу повеќе штета отколку добро бидејќи детето добива впечаток дека никогаш не смее да изгуби контрола над своите чувства или да покажува емоции, што е невозможно.
