Според нова студија објавена во списанието на Американската академија за детска и адолесцентна психијатрија, начинот на кој ги воспитуваме нашите деца може да направи тие да бидат поасоцијални и агресивни и да покажат повеќе таканаречени „неемоционални“ особини како недостаток на емпатија или морал. Ова е многу почеста појава кај децата воспитувани од родители кои се построги.
„Тоа не е никакво изненадување“, вели Џудит Малиновски, клинички супервизор во Ascension Eastwood Behavioral Health. „Но, ова може да биде случај со децата кои се одгледуваат од родители кои се премногу строги или премногу пасивни. Она што јас го откривам е дека на детето може да му биде исто толку тешко кога неговиот родител е многу пасивен, а детето е всушност задолжено за семејството. Во која било крајност, завршувате со млад човек кој е многу асоцијален“.
Како што објаснува Малиновски, ако родителот е нешто поагресивен во воспитувањето, децата не се чувствуваат добро, па дури и сакани, поради што тие имаат тенденција да го избегнуваат општеството и да се однесуваат асоцијално.
Истражувачи од Универзитетот во Пенсилванија и Универзитетот во Мичиген набљудувале 227 пара еднојајчани близнаци, или 454 деца на возраст меѓу шест и 11 години, за подобро да разберат дали стиловите на родителство имаат улога во емоционалниот развој на детето.
Родителите вклучени во студијата пополниле прашалници за нивната домашна средина, а биле замолени и да оценат 24 изјави, вклучувајќи „Често губам нерви поради своето дете“ и „моето дете знае дека го сакам“.
По завршување на истражувањето, научниците заклучиле дека децата чии родители ги воспитувале во таканареченото строго родителство имале многу поголема веројатност да бидат асоцијални и да покажуваат недостаток на емпатија од оние кои не биле.
„Развојно, децата се многу егоцентрични, мислат дека светот буквално се врти околу нив. Кога родителите се однесуваат кон нив на одреден начин, тоа може да ги направи многу збунети, а кога ќе влезат во состојба на збунетост, обично се затвораат во самите“, вели Малиновски.
