Иако утринските мачнини не се омилен дел од бременоста на никого (освен можеби оние кои не страдаат од нив), истражувањата покажуваат дека оваа исцрпувачка мачнина може да биде поврзана со попаметни деца, помал ризик од спонтан абортус и поздрава бременост.
Во текот на 20 години, научниците од болницата Hospital for Sick Children во Торонто следеле повеќе од 850.000 бремени жени во пет различни земји. И што откриле? Мајките кои минувале низ вистинска „утринска борба за преживување“ имале:
- Помалку компликации во бременоста
- Помал ризик од предвремено породување
- Поздрави бебиња по раѓањето
- А подоцна – деца со повисок коефициент на интелигенција, подобри јазични вештини и подобро однесување
Со други зборови: мачнините можеби не се забавни, но резултатите и тоа како се.
Каква врска има тоа со хормоните?
Научниците веруваат дека за се е “виновен“ хормонот што го лачи плацентата, гонадотропин. Тој работи со полна пареа за време на бременоста и токму тој предизвикува мачнини. Значи, ако не можете да го задржите појадокот, тоа може да биде знак дека сè оди токму како што треба.
Во бројки: жените кои немале мачнини, имале речиси три пати поголем ризик од спонтан абортус и почесто се породувале пред терминот.
Мачнини = мала шанса за голем генијалец?
Во одреден момент, наследниците на тие мајки, секако, биле пораснати и тестирани, а резултатите покажале дека децата на трудници кои често повраќале имале повисок коефициент на интелигенција и понапредни јазични вештини. Според истражувањата, тие биле уште и попослушни.
Значи, секој пат кога сте помислиле дека не можете повеќе, можеби сте биле само еден чекор поблиску до раѓање на мал Харвардовец или научник кој ќе ги реши климатските промени.
