Развивањето на чувството на благодарност кај децата е важен дел од нивниот емоционален развој. Благодарноста е клучна за зајакнување на позитивните односи и поврзаноста во семејството. Многу родители сакаат да придонесат за развој на благодарност кај нивните деца, но можеби не знаат од каде да почнат. Психологот Џејми Блох има едноставен совет кој може да помогне.
„Пробајте една секојдневна вежба за да развиете благодарност кај вашите деца – воведете „среќни камења“, истакнува психологот.
„Ние користиме камче што го најдовме во градината, но тоа може да биде кој било предмет што ќе го изберат вашите деца. Целта е тоа да биде физички симбол и потсетник за вежбање благодарност“, појаснува таа.
Како функционира:
- Одете на прошетка со децата во близина на куќата или во парк. Кажете им да побараат посебен камен или некој физички предмет и поттикнете ги да го изберат оној што најмногу им се допаѓа.
- Украсете го предметот со децата дома. Можете дури и да му дадете име.
- Објаснете го поимот „благодарност“ помагајќи им на децата да се сетат на моментите од нивниот ден кога биле среќни.
- Играјте игра „среќни камчиња“: Секоја личност во семејството наизменично го држи каменот и споделува најмалку три работи што го направиле среќен тој ден. „Обидете се да им помогнете на децата да бидат конкретни, на пример, играње фудбал со нивниот најдобар пријател“, советува психологот.
“Како детски психолог, јас често нагласувам колку благодарноста може да има силно влијание врз емоционалниот развој на децата. Децата не се раѓаат со разбирање за благодарност бидејќи овој поим често се развива преку искуство. Разложете го поимот за благодарност на поедноставни концепти, како чувство на среќа и радост им понага на децата на сите возрасти подобро да ја сфатат оваа пракса. Воведувањето на овие поими од рана возраст не само што ја збогатува детската перспектива, туку поставува и темели за здрава самосвест и позитивен начин на размислување“, заклучува Блох.
