Што ако едноставна анализа на крвта може да предвиди дали ќе се породите пред терминот или ќе го надносите бебето?
Тим научници смислил како тоа да се направи, а нивниот крвен тест има оценка на точност помеѓу 75 и 80%. Ова откритие, објавено во списанието Science, е важно бидејќи може да им помогне на лекарите прецизно да го предвидат датумот на породување, но и поради тоа што е прв чекор во разбирањето како нашите тела комуницираат со нашите бебиња на молекуларно ниво.
Студијата ги испитувала биомаркерите во крвта, познати како РНА без клетки од плацентата или фетусот и пронајдени во крвта на мајката. Тие т.н. “гласници молекули“ носат генетски упатства во нашите тела.
“Со оглед дека оваа РНА лебди во крвта на мајката, тогаш можеме системски да откриеме што може да се случи со бременоста“, објаснува Мајкл Еловиц, професор по гинекологија и акушерство во Пенсилванија.
Крвниот тест е поевтин од ултразвучниот тест (но подеднакво прецизен) и многу е поточен од останатите методи кои често се користат за предвидување на терминот на породување, како одбројување од датумот на последниот менструален циклус.
“Откривме дека некои гени предвидуваат кои се женските ризици од предвремено породување“, вели Медс Мелби, еден од авторите на студијата.
Дознавањето кои мајки се во опасност од предвремено породување, може да им помогне на лекарите и медицинскиот персонал однапред да планираат и да направат работи со кои ќе го заштитат здравјето и на мајката и на бебето. Ова е навистина важно, велат од тимот стручњаци, бидејќи недоносените деца ја имаат потребата од цела помош која можат да ја добијат.
