Негувањето и развивањето на самодовербата и самопочитта кај децата е од суштинско значење за нивниот емоционален развој. Децата со висока самодоверба подобро се справуваат со предизвиците, полесно градат позитивни односи и успешно ги постигнуваат своите цели. Родителите можат да го поддржат овој развој со обезбедување љубов, разбирање, охрабрување на децата да ги истражуваат своите интереси и таленти и да учат од своите грешки.
Но, понекогаш се важни и зборовите, а не само делата. Затоа, едукаторката за детски развој и родителство, како и психолог, Џејми Блох, открива пет едноставни фрази кои ја развиваат самопочитта и самодовербата кај децата.
- Сакам да бидам твојата мајка/татко. Да бидам со тебе е најдобриот дел од мојот ден.
- Ти си толку љубезна и грижлива личност.
- Толку си храбар/храбра. За тоа требаше многу храброст.
- Твојата насмевка и присуство ја осветлуваат просторијата.
- Ја сакам твојата љубопитност и начинот на кој гледаш на светот.
„Сите родители го знаат изразот на гордост и самодоверба што ги обзема нашите деца кога ќе слушнат како зборуваме потврдни зборови за нив. Речиси е како нашите зборови полни љубов да можат да ги хранат нивните души и срца. Тоа чувство на вредност кај децата можеме да го развиваме од моментот кога ќе се родат, говорејќи им афирмации“, заклучува Блох.
