Лицата со егзема ги одликува изразено сува кожа, а капењето е уште еден од начините таа да остане хидрирана, потенцираат лекарите од Американската дерматолошка академија.
Родителите на деца кои имаат егзем може да забележат дека, доколку кожата не ја намачкаат со препорачаната хидратантна крема веднаш по капењето, кожата на детето ќе биде сува по само неколку минути.
Децата со егзема, исто така, многу чести имаат инфекции на кожата, што за детето и за родителите е многу стресно. За да се избегне создавање на рани на кожата и децата ноќите да ги поминат во плачење и во чешање, многу е важно редовно да се негува кожата која е склона на овој проблем.
РЕДОВНА НЕГА НА КОЖА СО ЕГЗЕМА
Земете се што ви е потребно
Многу е важно кремата да ви биде близу до вас, за да можете на кожата на детето да ја нанесете веднаш по капењето.
Користете млака вода
Температурата на водата е исто многу важна при капењето, внимавајте таа да биде млака, а не жешка, бидејќи жешката вода дополнително ја суши чувствителната кожа.
Внимателно измијте ги само валканите и интимни делови на кожата
При нанесувањето на купка, гледајте да ги избегнувате деловите на кожата зафатени со егземата. Одберете блага купка без вештачки мириси и никако немојте грубо да ја триете детската кожа, или да го користите сунѓер. Ако на детето му годи да лежи во када полна со вода, не му правете пенливи купки.
Капењето нека трае од 5 до 20 минути
Препорака на повеќето дерматолози е капењето да трае најмалку помеѓу 5 до 10 минути, но ако на детето му годи, може да го оставите да ужива во водата најмногу до 20 минути. Над ова време не е препорачливо, бидејќи може дополнително да дојде до сушење на детската кожа.
